Ana María Alvajar

Ana María Alvajar
Biografía
Nacemento	1918 ; A Coruña, España
Morte	31 de decembro de 2005 (87 anos); Madrid, España
Actividade
Ocupación	violinista
Instrumento	Violín
Familia
Pais	César Alvajar e Amparo López Jean
Irmáns	Amparo Alvajar; María Teresa Alvajar; Javier Alvajar López

Ana María Josefina Alvajar López, nada na Coruña en 1918 e finada en Madrid o 31 de decembro de 2005, foi unha escritora e violinista galega.^[1]^[2]

Traxectoria

Filla do político republicano César Alvajar e de Amparo López Jeán, era irmá de María Teresa, Amparo e Javier Alvajar López.^[2] Desde moi nova mostra inclinación pola música e pasou a formar parte da Orquestra Filharmónica,^[2] constituída por afeccionados baixo a dirección de Alberto Garaizábal e máis tarde da Orquestra de Cámara da Sociedade Filharmónica desta mesma cidade. Durante a guerra civil, separada de seus pais, que estaban en territorio republicano, ten que facer fronte ás dificultades económicas nun primeiro momento e máis tarde en coidar pola integridade de seus irmáns. Así, tivo que agochar seu irmán Javier nunha aldea, quen desertara do exército nacional para pasarse ao bando republicano e non puido reunirse cos seus pais, exiliados en Francia, mentres non liberaron a súa irmá María Teresa, presa no cárcere da Coruña. Por fin, puido xuntarse cos seus pais en 1940 na localidade francesa de Vimoutiers. Tras dous anos en Francia, volveu a Coruña en 1942, cidade na que se radicou até 1948, cando se trasladou a Madrid. No 2003 recibiu o Premio a la Lealtad Republicana da Asociación Manuel Azaña.

Obra

Vivencias (1986)
Notas sobre Amparo Alvajar, exiliada gallega (2003)
Soltanto lastre (2005). Ediciós do Castro

Vida persoal

Casou con Vicente Pérez García e foi nai de Javier, José Antonio, Ana María e Juan Luis Pérez Alvajar.

Notas

↑ Necrolóxica en La Voz de Galicia, 2-1-2006, p. 42.
↑ ^2,0 ^2,1 ^2,2 "Ana María Josefina Alvajar López - A Coruña das Mulleres". https://acorunhadasmulleres.gal/. Consultado o 2024-11-24. Ligazón externa en |páxina-web= (Axuda)

Véxase tamén

Bibliografía

Marco, Aurora (2007). Dicionario de Mulleres Galegas. Edicións A Nosa Terra. ISBN 978-84-8341-146-9.

[1] Necrolóxica en La Voz de Galicia, 2-1-2006, p. 42.

[:0-2] 2,0 ^2,1 ^2,2 "Ana María Josefina Alvajar López - A Coruña das Mulleres". https://acorunhadasmulleres.gal/. Consultado o 2024-11-24. Ligazón externa en |páxina-web= (Axuda)

[1]

[2]