Andaina
| Andaina | |
|---|---|
 | |
| País | España |
| Lugar | Santiago de Compostela |
| Lingua | lingua galega |
| Fundación | 1983 |
| Circulación | |
| ISSN | 2483-6346 |
| OCLC | 436551242 |
| Na rede | |
| https://andainamulleres.gal/wordpress/ | |
 | |
| [ editar datos en Wikidata ] | |
Andaina é unha revista galega editada en Santiago de Compostela dende 1983 promovida pola Asociación Galega da Muller.[1]
Historia e características
[editar | editar a fonte]Subtitulada Revista do movemento feminista-Galicia, apareceu en xaneiro de 1983 da man das organizacións que formaron a Coordinadora Nacional de Organizacións Feministas (CNOF). O seu obxectivo fundacional foi "Difundir e animar o debate en torno ás posicións e teorías feministas existentes, á vez que denunciar as situacións de violencia e discriminación que lles acontecen ás mulleres”.[2]
Na súa primeira fase (1983-1991)[3] os seus contidos estaban moi vinculados ás campañas e debates das organizacións que lle deron pulo. Estaba dirixida por Nanina Santos. En 1991 iniciou unha segunda época co subtitulo Revista galega de pensamento feminista dirixida por Ana Arellano. Cun formato de novo deseño, aborda temas de información e reflexión feminista máis diversos, redactada integramente en galego. A diferenza da primeira época, non está directamente vinculada con ningunha organización.
Con motivo do trinta aniversario da súa publicación, no ano 2013, fixeron un facsímile do número 0 da revista. Nunha editorial dese ano lembraron algúns dos temas tratados nas súas páxinas como a violencia contra as mulleres, a sexualidade e a identidade sexual, a prostitución, o traballo doméstico e a desigualdade do reparto das tarefas domésticas entre outros.[4]Grazas a Andaina, "pódese seguir como evolucionou o feminismo nestes anos; os debates que se deron e as diferentes posicións que existiron, e que existen, á hora de analizar a situación das mulleres e de propor medidas para avanzar".[4]
En 2014 Andaina conseguiu o Premio Luceira de comunicación social, xunto a Galiza Contrainfo e Galiza Ano Cero.[5]
Notas
[editar | editar a fonte]- ↑ Joel Gómez (10 de xaneiro de 2013). "La revista feminista «Andaina» celebra su continuidad tras 30 años en el mercado". La Voz de Galicia. Consultado o 1 de abril de 2019.
- ↑ "“Debemos ver os homes como parte implicada na loita feminista”". Praza Pública. 2012-03-07. Consultado o 2024-07-15.
- ↑ "Andaina / Hemeroteca / Fondos documentais / Consello da Cultura Galega". consellodacultura.gal. Consultado o 2024-07-15.
- ↑ 4,0 4,1 "La revista feminista «Andaina» celebra su continuidad tras 30 años en el mercado". La Voz de Galicia (en castelán). 2013-01-10. Consultado o 2024-07-15.
- ↑ "Galiza Contrainfo, Galiza Ano Cero e a revista Andaina gañan os Premios Luceira de comunicación social - EAPN Galicia – Rede galega contra a pobreza". Consultado o 2024-07-15.
Véxase tamén
[editar | editar a fonte]Bibliografía
[editar | editar a fonte]- "Andaina". Enciclopedia Galega Universal. Ir Indo. 1999-2002. ISBN 84-7680-288-9.
- "Andaina". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.
- Vilavedra, Dolores, ed. (1997). Diccionario da literatura galega. Publicacións periódicas II. Vigo: Editorial Galaxia. ISBN 84-8288-137-X.
