Andrei Rublev

Andrei Rublev

Nome orixinal	(ru) Андрей Рублёв
Biografía
Nacemento	década de 1360 Gran Ducado de Moscova
Morte	29 de xaneiro de 1430 (Gregoriano) (60/70 anos) mosteiro Andronikov, Rusia
Causa da morte	peste
Lugar de sepultura	mosteiro Andronikov
Relixión	Cristianismo ortodoxo
Actividade
Ocupación	pintor, iconógrafo, iluminador
Xénero artístico	Icon painting (en) e miniatura
Profesores	Teófanes, o Grego (pt)
Enaltecemento
1988 - venerable, nomeado por Igrexa ortodoxa rusa
Día de festividade relixiosa	4 de xullo
Obra
Obras destacables (década de 1410) Archangel Michael (en) (década de 1420) Christ the Redeemer (en) (década de 1420) Trinity icon (en)
Descrito pola fonte	Pequeno Dicionario Enciclopédico de Brockhaus e Efron Dicionario Biográfico Ruso Enciclopedia Larousse en liña, (sec:Andreï Roublev)
Sitio web	andrey-rublev.ru

Trindade, célebre icona de Rublev

Andrei Rublev (en ruso: Андрей Рублёв, [ɐnˈdrʲej rʊˈblʲɵf]), nado na década de 1360 e finado en Moscova o 29 de xaneiro de 1427 ou 1430, ou o 17 de outubro de 1428, foi un pintor ruso, considerado un dos maiores artistas medievais dedicado aos frescos e iconas ortodoxas.

Traxectoria

Inicios

Existe pouca información sobre a vida de Andrei Rublev e mesmo se descoñece onde naceu. Probablemente viviu no lavra da Trindade e San Serxio, preto de Moscova, baixo Nikon de Radonezh, que se converteu en hegúmeno trala morte de Sergii Radonezhsky en 1392. A primeira mención de Rublev é en 1405, cando decorou con frescos e iconas a catedral da Anunciación do Kremlin de Moscova, en compañía de Theophanes o Grego e Prokhor de Gorodets. O seu nome é o último na listaxe de mestres, tanto por rango como por idade. Theophanes foi un mestre importante da arte bizantina, que se mudara a Rusia e considérase que adestrou a Rublev.

Carreira

As crónicas contan que en 1408 pintou xunto con Daniil Chyorny a catedral da Asunción de Vladimir ademais da catedral da Trindade no laura da Trindade e San Serxio entre 1425 e 1427. Trala morte de Daniil, Rublev chegou ao mosteiro Andronikov de Moscova, onde pintou as súas últimas obras, os frecos da catedral do Salvador. Crese que pintou polo menos unha das miniaturas dos evanxeos de Khitrovo.

A única obra autentificada como completamente propia é a icona da Trindade (c. 1410, conservado na galería Tretyakov de Moscova). Está baseado nunha icona anterior coñecida como a "Hospitalidade de Abraham", que ilustra o capítulo 18 do libro da Xénese. Rublev suprimiu as figuras de Abraham e Sara da escena, e a través dun sutil uso da composición e o simbolismo cambiou o tema para centrarse no misterio da Trindade.

Na arte de Rublev combínanse dúas tradicións: o máis elevado ascetismo e a harmonía clásica do manierismo bizantino. As personaxes das súas pinturas están sempre en paz e calma. Despois dun tempo a súa arte comezou a ser percibida como o ideal da pintura da igrexa oriental e da iconografía.

Rublev faleceu no mosteiro de Andronikov.

Legado

O Stoglavi Sobor (1551) promulgou o estilo das iconas de Rublev como modelo para a pintura eclesiástica. Dende 1959, o Museo Andrei Rublev no mosteiro Andronikov mostra a súa obra e arte relacionada.

A igrexa ortodoxa rusa canonizou a Rublev como santo en 1988, celebrado a súa festividade o 29 de xaneiro e/ou o 4 de xullo. O calendario litúrxico da Igrexa Episcopal dos Estados Unidos de América lembra a Rublev o 29 de xaneiro.

En 1966, Andrei Tarkovskii dirixiu o filme Andrei Rublev, vagamente baseado na vida do artista. Converteuse no primeiro e quizais único filme producido na Unión Soviética que tratou o artista como figura histórica mundial e a cristiandade como axioma da identidade histórica rusa, durante un periódico turbulento da historia de Rusia.

Galería de imaxes

• 
  Natividade de Xesús, 1405 (Catedral da Anunciación, Moscova)
• 
  Bautismo de Xesús, 1405 (Catedral da Anunciación, Moscova)
• 
  Anunciación, 1405 (Catedral da Anunciación, Moscova)
• 
  Versión de Theotokos de Vladimir, ca. 1405
• 
  San Miguel, 1408 (Catedral Dormition, Vladimir)
• 
  San Gabriel, 1408 (Catedral Dormition, Vladimir)
• 
  Santo André, 1408 (Catedral Dormition, Vladimir)
• 
  San Gregorio o Teólogo, 1408 (Catedral Dormition, Vladimir)
• 
  Theotokos de Deësis, 1408 (Catedral Dormition, Vladimir)
• 
  San Xoán o Teólogo, 1408 (Catedral Dormition, Vladimir)
• 
  San Xoán o Bautista, 1408 (Catedral Dormition, Vladimir)
• 
  Salvador na súa Gloria, 1408 (Catedral Dormition, Vladimir)
• 
  Descenso aos infernos, 1408-1410 (Vladimir)
• 
  Cristo redentor ca. 1410 (Galería Tretyakov, Moscova)
• 
  Ascensión de Xesús, 1408 (Galería Tretyakov, Moscova)
• 
  Apóstolo Paulo, 1410s (Galería Tretyakov, Moscova)

Véxase tamén

Bibliografía

• Mikhail V. Alpatov, Andrey Rublev, Moscova: Iskusstvo, 1972.
• Gabriel Bunge, The Rublev Trinity, transl. Andrew Louth, St. Vladimir's Seminary Press, Crestwood, Nova York, 2007
• Sergius Golubtsov, Voplosh’enie bogoslovskih idey v tvorchestve prepodobnogo Andreya Rubleva [The realization of theological ideas in creative works of Andrey Rublev]. Bogoslovskie trudy 22, 20–40, 1981
• Viktor N. Lazarev, The Russian Icon: From Its Origins to the Sixteenth Century, Gerold I. Vzdornov (ed.). Collegeville, MN: Liturgical Press, 1997
• Priscilla Hunt, Andrei Rublev’s Old Testament Trinity Icon in Cultural Context, The Trinity-Sergius Lavr in Russian History and Culture: Readings in Russian Religious Culture, vol. 3, ed. Deacon Vladimir Tsurikov, (Jordanville, NY: Holy Trinity Seminary Press, 2006), 99-122
• Priscilla Hunt, Andrei Rublev’s Old Testament Trinity Icon: Problems of Meaning, Intertextuality, and Transmission, Symposion: A Journal of Russian (Religious) Thought, ed. Roy Robson, 7-12 (2002–2007), 15-46
• Georgij Yu. Somov, Semiotic systemity of visual artworks: Case study of The Holy Trinity by Rublev Arquivado 27 de setembro de 2011 en Wayback Machine., Semiotica 166 (1/4), 1-79, 2007

Ligazóns externas

• Páxina oficial
• Rublev na Galería de Arte Rusa
• Obras seleccionadas
• "The Deesis painted by Andrey Rublev" da igrexa da Anunciación do Kremlin de Moscova - artigo do Dr. Oleg G. Uliyanov
• Documentación histórica, compilada por Robert Bird
• The Andrei Rublev Museum of Ancient Russian Art
• Venerable Andrew Rublev o Iconógrafo