Saltar ao contido

Antena 3 Radio

Na Galipedia, a Wikipedia en galego.
Para outras páxinas con títulos homónimos véxase: Antena 3 (homónimos).
Antena 3 Radio
Área de radiodifusiónEspaña España
Eslogan''La radio bien hecha (1982-1992)
La radio que te mereces''
Frecuencia[[Frecuencia modulada|FM] 104.3
Primeira emisión1 de febreiro de 1982
Lingua(s)Castelán
IndicativoAntena 3
AfiliaciónGrupo Antena 3 (1982 )
Atresmedia Radio
[ editar datos en Wikidata ]
Sinfo Radio Antena 3
Área de radiodifusiónEspaña España
Eslogan''Los números uno de los últimos 500 años''
FrecuenciaFM
FormatoMúsica clásica
IndicativoSinfo Radio
AfiliaciónUnión Radio
PropietarioGrupo PRISA
[ editar datos en Wikidata ]

Antena 3 Radio es unha cadea española de radio de tipo xeral en activo desde o 1 de febreiro de 1982 ata o 19 de xuño de 1994. Serviu de base para a creación de Antena 3 Televisión en 1989.

Fundación

[editar | editar a fonte]

Foi creada o 1 de febreiro de 1982 polas sociedades editoras de La Vanguardia (51%) e ABC-Prensa Española (13%), Manuel Martín Ferrand (5%), a axencia Europa Press e o Grupo Zeta. O conselleiro delegado era Manuel Martín Ferrand. O seu presidente era Rafael Jiménez de Parga, cargo que máis tarde desempeñaría Javier Godó (de La Vanguardia). O director xeral era Javier Jimeno, o Xefe de Programas era José Luís Orosa e José Cavero era o director de informativos.

Obxectivos

[editar | editar a fonte]

O obxectivo inicial de Antena 3 era crear unha cadea privada de televisión, solicitude que foi denegada en 1982, pero aceptada en 1989, cando se creou Antena 3 Televisión, integrando á emisora de radio na súa corporación e pasando o seu presidente a ser tamén o presidente da nova empresa, denominada Antena 3 de Televisión S.A.

Historia

[editar | editar a fonte]

Comezos

[editar | editar a fonte]

Antena 3 Radio empezou a emitir a nivel nacional o 4 de maio de 1982. En 1984 obtivo o control de Promotora de Televisión e Radio S.A. e a súa cadea Radio 80, pasando a denominarse Radio 80 Serie Oro. En 1991, a través de Onda Musical S.A. comezou as súas emisións a cadea Radiolé, a segunda radiofórmula de Antena 3 Radio.

En 1989 foi a primeira compañía de medios de comunicación en España en cotizar en Bolsa e ademais foi accionista fundadora de Antena 3 de Televisión S.A., unha das tres empresas que recibiron concesión de Televisión en 1989.

Consolidación

[editar | editar a fonte]

En 1992 logrou liderar as enquisas do EGM (3 139 000 de oíntes para Antena 3 Radio fronte aos 3 007 000 oíntes da Cadea SER na segunda onda de 1992). En xullo do mesmo ano e trala operación á présa para desmantelar ao rival que superara á SER, prodúcese o desembarco á présa en Antena 3 de Radio. Paralelamente, Antonio Asensio (presidente do Grupo Zeta) lograría facerse co control de Antena 3 de Televisión S.A. co apoio de Banesto.

O 14 de xullo do mesmo ano, Javier Godó foi destituído do seu cargo como presidente de Antena 3 Radio. Tralo traspaso por parte de Javier Godó das súas accións á sociedade Investimentos Godó S.A., os principais accionistas pasaron a ser Investimentos Godó S.A., e un 25% en mans da bolsa.

Entrada de PRISA

[editar | editar a fonte]

O 22 de xullo de 1992 o Grupo PRISA (propietario do case 100% da Cadena SER) comprou o 49% de Investimentos Godó e o 51% do capital de Paltrieva pasando a controlar o 25% de Antena 3 Radio e Javier Godó volveu presidir a cadea. Tras varios movementos accionariais, tomáronse diversas decisións que afectaron ao equipo directivo e aos principais locutores da cadea, os cales foron a outras cadeas, en especial á COPE.

A finais de 1992, cumprindo a Lei de Televisión, Antena 3 de Radio S.A. vendeu o paquete de accións que posuía de Antena 3 de Televisión S.A. (12,49%), co cal se desvinculaba a cadea de radio da cadea de televisión.

En 1993 lanzou unha OPA para adquirir as accións que circulaban en bolsa. Trala posterior redución de capital, a composición do capital de Antena 3 de Radio S.A. quedaba controlado practicamente por Inversiones Godó S.A. (ao 63%) e por Paltrieva S.A. (ao 33%).

Á súa vez, a composición de Investimentos Godó estaba participada por PRISA e Javier Godó, a case partes iguais, e a de Paltrieva a pola editora da Vanguardia, a empresa PRISA e Javier Godó.

Unión Radio S.A.

[editar | editar a fonte]

A colaboración mutua de ambos grupos levou en novembro de 1993 á creación de "Sociedade de Servizos Radiofónicos Unión Radio S.A.", participada a un 80% polo Grupo PRISA (80%), e sendo o principal obxectivo de Unión Radio o facerse cargo de toda a estratexia empresarial das emisoras pertencentes á SER e a Antena 3 Radio. Oficialmente, a súa constitución faríase pública o venres 4 de febreiro de 1994.[1] Pouco logo da creación de Unión Radio, oito xornalistas consagrados (Antonio Herrero, Manuel Martín Ferrand, Melchor Miralles, Pedro J. Ramírez, Luis Ángel de la Viuda, Federico Jiménez Losantos, José María García e Luís Herrero) demandarían ao grupo PRISA por abuso de posición de dominio. Dita denuncia foi á súa vez criticada polo diario El País nun editorial.[2]

Paralelamente, en xaneiro de 1993 produciuse a fusión entre as cadeas emisoras de Radio 80 (pertencentes ao Grupo Antena 3 Radio) e as emisoras de Radio Minuto (pertencentes ao Grupo PRISA).

En maio de 1994, e co ditame desfavorable do Tribunal de Defensa da Competencia, o Consello de Ministros autorizou a operación de concentración e a creación de Unión Radio.

Final das emisións

[editar | editar a fonte]

Así pois, o 19 de xuño de 1994, Antena 3 Radio deixou de existir como emisora de radio generalista e converteuse en "Sinfo Radio Antena 3", emisora dedicada á música clásica. No 2000, o Tribunal Supremo declarou ilegal a operación de concentración levada a cabo en 1994.[3]

Finalmente, o 29 de marzo de 2002, Sinfo Radio Antena 3 deixou de emitir en FM e foi substituída por diferentes emisoras do grupo Prisa Radio. A frecuencia que cobre case toda a provincia de Madrid 104.3 FM pasou a emitir a nova emisora de Prisa Radio Máxima FM, emisora de música dance.

Antes de desaparecer, o capital de A3R continuaba estando participado por Inversiones Godó S.A. e Paltrieva S.A.

Posteriormente as frecuencias en FM foron adquiridas por Prisa Radio: Ten un accionariado no que PRISA é o accionista maioritario cun 73,49%, o Grupo Godó ten un 18,37% e o fondo de capital privado 3i, o 8,14% restante.

Programas históricos

[editar | editar a fonte]

Antena 3 Radio en Galicia

[editar | editar a fonte]

Antena 3 Radio emitía en Galicia por medio das frecuencias propiedade de La Voz de Galicia. A primeira en incorporarse foi a da Coruña en abril de 1983, seguíndolle en maio de 1984 as de Vigo, Pontevedra, O Barco de Valdeorras e Viveiro, en 1985, Carballo, e, en 1990, Lugo, Santiago de Compostela e Ribadavia. O director de Antena 3 Radio en Galicia era Bieito Rubido e nela traballaron profesionais como Nonito Pereira, Mon Santiso, Carlos Luis Rodríguez, Ramón Núñez Centella, Paco Lodeiro, Constantino García ou José Gerardo Fernández.[4]

Logo da incorporación a PRISA, en 1993, Antena 3 Galicia comezou a emitir 12 horas de produción propia destacando programas como: "Tertulia Deportiva", de Vicente Leirachá, "Camiño de Volta" de Xosé Luis Barreiro, "Bule, Bule" con Antón Reixa, ou "Corre Carmela que chove", con Siro López. Posteriormente, asociouse temporalmente á COPE antes de comezar unha nova xeira dando lugar a RadioVoz en 1994.[5]

Antigas emisoras e frecuencias

[editar | editar a fonte]

Notas

[editar | editar a fonte]
  1. ↑ Hemeroteca La Vanguardia
  2. ↑ El País
  3. ↑ [1]
  4. ↑ Blanco Campaña, Xosé Luis (1999). Historia da radio en Galicia. Edicións Lea. pp. 280–281. ISBN 84-89947-73-2. 
  5. ↑ Hermida, Xosé (1994-11-10). "10 emisoras de Galicia se desvinculan de la COPE". El País (en castelán). ISSN 1134-6582. Consultado o 2023-04-07. 

Véxase tamén

[editar | editar a fonte]

Outros artigos

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Antena_3_Radio&oldid=6823689»