Arechis II de Benevento
  | |
| Biografía | |
|---|---|
| Nacemento | 734 |
| Morte | 26 de agosto de 787 (52/53 anos) Salerno, Italia |
| Actividade | |
| Ocupación | político |
| Outro | |
| Título | Príncipe de Benevento (774 (Gregoriano)–787 (Gregoriano)) Duke of Benevento (en)  (758–774) |
| Familia | Gausos |
| Cónxuxe | Adelperga da Lombardia (década de 750–) |
| Fillos | Gisulf von Benevent, Theoderada von Benevent, Romuald von Benevent, Adelchisa von Benevent, Grimoaldo III de Benevento |
| Pai | Liutprando de Benevento |
Arechis II, nado contra 734[1] e finado o 26 de agosto de 787) foi duque de Benevento do 758 ao 774, e despois príncipe da mesma cidade do 774 ata a súa morte. Desde 774 estableceuse en Salerno no pazo que construíu, creando o que se había de converter no 839 no Principado de Salerno.
Traxectoria
[editar | editar a fonte]Nobre longobardo, de orixe probabelmente beneventana, Arechis casou con Adelperga, filla do rei Desiderio e foi nomeado polo seu sogro duque de Benevento no 758, no lugar do rebelde Liutprando. Tras a vitoria de Carlomagno no 774 e o fin da "Longobardia Maior", Arechis tomou o título de "princeps" converténdose en herdeiro das tradicións, da cultura e da identidade nacional do propio pobo.
A súa actividade política virouse cara a independencia do seu dominio: prestou formal obediencia a Carlomagno sen aceptar ligazóns de vasalaxe, non buscou o conflito aberto co papado, manifestou un comportamento amigábel canto aos bizantinos. Fundador da basílica beneventana de Santa Sofia e promotor de inxentes iniciativas urbanísticas, Arechis II foi un protector de homes de cultura, entre eles o seu irmán Paulo Diácono, así como benfeitor de numerosos mosteiros.
O refinamento de inspiración grega da corte beneventana testemuña un florecemento económico do principado, mentres o códice lexislativo emanado de Arechis II testemuña a súa preparación xurídica. Morreu o 26 agosto de 787, poucos días antes do desembarco en Lucania de embaixadores bizantinos encargados polo imperio de establecer co príncipe unha alianza formal.
| Ducado de Benevento | ||
|---|---|---|
Segue a: Liutprando de Benevento |
Arechis II de Benevento | Precede a: - |
| - | ||
| Principado de Benevento | ||
|---|---|---|
Segue a: - |
Arechis II de Benevento | Precede a: Grimoaldo III de Benevento |
| - | ||
Notas
[editar | editar a fonte]- ↑ Segundo o Chronicum Salernitanum morreu no ano 787 con 53 anos: "Vixit autem quinquaginta tres annos; obiit septimo Kal. Septembris, anno ab incarnacione Domini 787, indictione 9. Ex domna Adelperga principissa filios Romoald, Grimoald et Gisifum, Theoderada et Adelchisam"
