Asociación de Fútbol do Guayas
| Fundación | 20 de novembro de 1950 |
|---|---|
| Presidente | Selim Doumet Herzog |
| Sede | Hurtado 405 y José Mascote, Guayaquil |
| Sitio web | http://www.asoguayas.com/ |
A Asociación de Fútbol do Guayas, AFG, (en español, Asociación de Fútbol del Guayas), tamén coñecida polo acrónimo AsoGuayas, é unha asociación deportiva de fútbol provincial, a máis antiga creada no Ecuador. Actualmente forma parte da Federación Deportiva do Guayas como subdivisión, e está afiliada á Federación Ecuatoriana de Fútbol.
A AFG é a encargada de representar aos clubs guayasenses afilados, así como de organizar torneos provinciais profesionais de segunda categoría, sendo o seu ámbito de actuación a provincia do Guayas.
Historia
[editar | editar a fonte]Inicios do fútbol no Guayas
[editar | editar a fonte]A práctica do deporte era moi limitada en Guayaquil até finais do século XIX e, particularmente o fútbol era practicamente descoñecido en todo o Ecuador. O guayaquileño Juan Alfredo Wright, e o seu irmán Roberto Wright, que residían en Inglaterra e que máis tarde formaron parte do club peruano Unión Cricket de Lima, volveron a Guayaquil a mediados de 1899, o que motivou a varios mozos afeccionados á práctica do fútbol no país.[1] O 23 de abril de 1899 fundouse oficialmente o Guayaquil Sport Club, que foi o primeiro club de fútbol de Ecuador.[2]
Fundación da Asociación
[editar | editar a fonte]A AFG foi fundada o 20 de novembro de 1950 por dirixentes de varios clubs guayaquileños co obxectivo de organizar o primeiro torneo profesional de fútbol no país, denominado Campionato de Guayaquil, deixando de lado o amateurismo. Tras a creación dun Campionato nacional en 1957, e a posterior creación da Asociación Ecuatoriana de Fútbol, a AsoGuayas pasou a ser o ente reitor e organizador de torneos de segunda categoría a nivel provincial.
Despois da súa fundación, no ano seguinte empezaron a rexistrarse os primeiros encontros entre grupos de afeccionados. Nos anos posteriores comezaron a formarse outros clubs na cidade, como o Club Sport Ecuador e a Asociación de Empleados de Guayaquil en 1902; e o Libertador Bolívar, o Club Unión e o Club Gimnástico en 1903.[2] Os campionatos afeccionados non oficiais ían en aumento e, no ano 1908, entre os máis relevantes que se xogaron estaban a "Copa Chile" e a "Copa Municipal".
Amateurismo
[editar | editar a fonte]Despois de varios anos nos que os equipos de fútbol xogaban campionatos organizados por diversas institucións, en 1922, a Federación Deportiva do Guayas creou o primeiro torneo oficial de fútbol de maneira afeccionado. Na primeira edición do torneo competiron 14 equipos e o campión foi o Racing Club.
Este torneo disputouse ininterrompidamente durante 28 anos, sendo o General Córdova o club con maior cantidade de títulos ganados (catro edicións). A última edición deste torneo afeccionado disputouse en 1950, sendo o último campión o Barcelona Sporting Club.
Finalmente, varios clubs tiveron diferenzas coa Federación Deportiva do Guayas e o malestar supuxo a finalización da era do amateurismo no fútbol na provincia do Guayas.
Notas
[editar | editar a fonte]- ↑ Ecuafútbol. "HISTORIA DE LA FEDERACIÓN ECUATORIANA DE FÚTBOL". Federación Ecuatoriana de Fútbol. Arquivado dende o orixinal o 22 de agosto de 2018. Consultado o 22 de aagosto de 201800.
- ↑ 2,0 2,1 Ávila Villagómez, Esteban (15 de xullo de 2011). "Ecuador - Foundation Dates of Clubs". Rec. Sport. Soccer Statistics Foundation. Consultado o 22 de agosto de 2018.
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]Sitios web
[editar | editar a fonte]- Sitio web oficial de la Asociación de Fútbol del Guayas
- Sitio web oficial de la Federación Ecuatoriana de FútbolArquivado 09 de agosto de 2018 en Wayback Machine.
- Sitio web oficial de la Federación Deportiva del Guayas