Aurelio Ribalta

Aurelio Ribalta
	;
Biografía
Nacemento	1 de abril de 1864 ; Ferrol, España
Morte	7 de setembro de 1940 (76 anos); Soto del Real, España
Educación	Universidade de Santiago de Compostela
Actividade
Ocupación	xornalista, escritor
Membro de	Real Academia Galega (membro correspondente)

Aurelio Ribalta Copete, nado en Ferrol o 1 de abril de 1864 e finado en Soto del Real (Madrid) o 7 de setembro de 1940, foi un escritor e xornalista galego. Foi membro correspondente da Real Academia Galega^[1].

Traxectoria

Cursou os estudos secundarios en Madrid entre 1873 e 1877. Estudou Leis e Filosofía na Universidade de Santiago de Compostela e doutorouse en Madrid. En 1895 comezou o seu traballo na Administración de Facenda. Formou parte do grupo de intelectuais galeguistas establecidos na capital. Alí fundou a revista Estudios Gallegos, desde onde en 1915 realizou un chamamento para defender a lingua galega. O 5 de xaneiro de 1916 Antón Villar Ponte recolleu a chamada e comezou dende as páxinas de La Voz de Galicia unha campaña para a creación dunha Liga de Amigos do Idioma Galego.

Achegado ao rexionalismo, foi nomeado representante do Comité Regionalista de Santiago para a Xunta de Defensa de Galicia e participou nas reunións dos seus integrantes, como a da Cova Céltica. Tivo un papel relevante na constitución das Irmandades da Fala.

En 1910 realizou a súa proposta ortográfica foneticista, practicada e defendida no seu Libro de Konsagrazión. Feixe de poesías gallegas. En 1917 editou en Barcelona unha Escolma de Poesías de Rosalía de Castro.

Permanece inédita no convento de San Francisco do Val de Deus a súa obra Gramática gallega elementale, datada en 1940.

Obras

En galego

Narrativa

Ferruxe, A Coruña, 1894, e Escolma de poesías de Rosalía de Castro, Barcelona, 1917.

Ferruxe, 1894, editado por Andrés Martínez, ilustrado por Urbano González.^[2]
O Pastor de Doña Silvia, 1925, Colección Lar.
O derradeiro amore, 1931.

Poesía

Libro de Konsagrazión. Feixe de poesías gallegas, 1910.

En castelán

La campaña de ultramar, 1888.
El viático.
El hijo de María Rosa.
El señorito.
Catalanismo militante, 1901.

Notas

↑ "Membros correspondentes". Real Academia Galega.
↑ Bangueses Vázquez, Mercedes (2010). Ilustradores galegos de preguerra (1880-1936). IEV. ISBN 978-84-89599-44-4.

Véxase tamén

Bibliografía

"Ribalta Copete, Aurelio". Dicionario biográfico de Galicia 3. Ir Indo Edicións. 2010-2011. p. 166.
Agrelo Costas, Eulalia (2000). Obra narrativa en galego de Aurelio Ribalta y Copete. Santiago: CIRP. ISBN 84-453-2936-7.
Agrelo Costas, Eulalia (2005). "Ribalta y Copete, Aurelio". Gran Enciclopedia Galega (DVD). El Progreso. ISBN 84-87804-88-8.
Couceiro Freijomil, Antonio (1951-53). Diccionario Bio-bibliográfico de Escritores (en castelán). Bibliófilos Gallegos.
Fernández del Riego, F. (1992) [1990]. Diccionario de escritores en lingua galega (2ª ed.). Do Castro. ISBN 84-7492-465-0.

Ligazóns externas

Ficha do documental Galicia en Castela. A España galeguista de Aurelio Ribalta

[1] "Membros correspondentes". Real Academia Galega.

[2] Bangueses Vázquez, Mercedes (2010). Ilustradores galegos de preguerra (1880-1936). IEV. ISBN 978-84-89599-44-4.

[1]

[2]