Avelina Valladares

Avelina Valladares
	; A Avelina Valladares na Estrada
Biografía
Nacemento	(es) Avelina Valladares Núñez ; 23 de outubro de 1825 ; Vilancosta, España
Morte	17 de marzo de 1902 (76 anos); A Estrada, España
Actividade
Ocupación	escritora, autora
Xénero artístico	Poesía
Obra
	Obras destacables Diálogo entre un peregrino que se dirige a Compostela y un labriego
Familia
Pai	José Dionisio Valladares Gómez
Irmáns	Marcial Valladares

Avelina Valladares Núñez, nada en Vilancosta (A Estrada) o 23 de outubro de 1825 e finada na Estrada o 17 de marzo de en 1902, foi unha escritora galega, e unha das primeiras mulleres que publicou artigos de opinión na prensa escrita, e empregou o galego como lingua dalgúns dos seus poemas. É irmá do tamén escritor Marcial Valladares.

Traxectoria

Filla de José Dionisio Valladares Gómez, cunha considerable formación académica debido á súa ascendencia fidalga, Avelina Valladares dedicou parte da súa vida ao coidado dos demais (sempre dende as súas fondas conviccións relixiosas), participando na Xunta Parroquial de Beneficencia da súa parroquia, Berres. Nos períodos comprendidos entre 1840 e 1850, e 1864 e 1879, a escritora adicou a meirande parte do seu tempo á escrita, realizando durante eses anos a maior parte da súa obra literaria.

Como poeta afincada no seu tempo, as súas composicións tratan temas relixiosos, amicais ou de costumes. Non obstante, o que máis chama a atención dentro da súa produción literaria, son os artigos conservados, xa que abordan cuestións prácticas coma os cultivos, fan denuncia social ("El ochavo milagroso" critica algunhas supersticións populares) ou diríxense á autoridade (neste caso eclesiástica) para facer peticións de interese xeral. É tamén digno de destacar o seu Diálogo entre un peregrino que se dirige a Compostela y un labriego, obra bilingüe con claras características proclives á dramatización (hoxe existe unha versión teatral feita por Xosé Lueiro Lemos).^[1]

Recoñecementos

Na súa memoria creouse o Premio de poesía Avelina Valladares, convocado polo concello da Estrada.

En 2025, e coincidindo co bicentenario do seu nacemento, o Concello da Estrada retomou a programación do Ano Cultural para dedicarllo á «Cantora do Ulla» e publicar a súa obra.^[2]

Notas

↑ "Catálogo BNE". Arquivado dende o orixinal o 17 de outubro de 2019. Consultado o 09 de maio de 2016.
↑ "A Estrada editará a obra de Avelina Valladares e dedicaralle un musical". La Voz de Galicia. 2025-01-10. Consultado o 2025-01-10.

Véxase tamén

Bibliografía

Castro López, M.: "Avelina Valladares", pp. 33–35 en Almanaque Gallego para 1898, Buenos Aires, 25 de outubro de 1897 (en castelán).
Losada Diéguez, Antón: "N'a súa memoria", El Emigrado, 24/10/1925.
Luna Sanmartín, Xosé (2000). Ond'o sol facheaba ô amañecer: vida e obra da cantora da Ulla Avelina Valladares Núñez. ISBN 84-95429-05-5.
Marco, Aurora (2007). Dicionario de Mulleres Galegas. Edicións A Nosa Terra. p. 436-437. ISBN 978-84-8341-146-9.

Outros artigos

Ligazóns externas

[1] "Catálogo BNE". Arquivado dende o orixinal o 17 de outubro de 2019. Consultado o 09 de maio de 2016.

[2] "A Estrada editará a obra de Avelina Valladares e dedicaralle un musical". La Voz de Galicia. 2025-01-10. Consultado o 2025-01-10.

[1]

[2]