Avespa
| Avespa | |||||||||
|---|---|---|---|---|---|---|---|---|---|
 Vespula germanica | |||||||||
| Clasificación científica | |||||||||
| |||||||||
| Suborde | |||||||||
A avespa, avéspora ou nespra[1] é un insecto da orde dos Himenópteros, suborde Apocrita ou Symphyta. As larvas da orde Apocrita son usualmente carnívoras ou parasíticas, mentres que as Symphitas son herbívoras. As avespas poden ser solitarias ou sociais, e a diferenza das abellas non perden o ferrete ao picaren e non producen mel. Algunhas avespas non teñen ferrete.
Características
[editar | editar a fonte]As seguintes características están presentes na maioría das avespas:
- Dous pares de ás (a excepción das femias da familia Mutillidae)
- Un ferrón (só presente nas femias porque deriva do ovipositor)
- Escasa ou ningunha pilosidade (en contraste coas abellas); excepción: Mutillidae
- Predadores ou parasitas, maioritariamente doutros insectos; algunhas especies de Pompilidae, especializáronse en utilizar arañas, principalmente tarántulas como hospedeiras
As avespas son extremadamente importantes no biocontrol natural unha vez que case todos os insectos considerados como praga teñen unha avespa como predador natural.
As avespas negras e amarelas constrúen niños de papel en forma de pelota nos faios ou baixo terra. Para fabricar o papel co que fan o niño, as avespas comúns mastigan as fibras da madeira morta e forman unha pasta. Unha raíña soa comeza a crear o niño, pero axiña lle cede o traballo a un número crecente de obreiras. Os niños poden albergar até 5.000 obreiras e ter un diámetro de 50 cm. As obreiras morren no inverno, pero novas raíñas sobreviven até a primavera seguinte. As avespas amarelas americanas, emparentadas con esta avespa, viven en forma similar.
Familias
[editar | editar a fonte]Especies invasoras
[editar | editar a fonte]En 2012 foi detectada en Burela unha especie invasora procedente do extremo oriente, a avespa asiática ou vespa velutina, Vespa velutina nigritorax, que vai ocupando máis e máis zonas en Galicia e zonas parellas da Península Ibérica, despois de ter desembarcado en Francia.
Galería de imaxes
[editar | editar a fonte] |
Wikimedia Commons ten máis contidos multimedia na categoría: Avespas |
- Artigo principal: Galería de imaxes de avespas de Galicia.
-
Avespa (Polistes dominulus) -
Avespa Polistes -
Avespa -
Avespa -
Avespa comendo no cadáver dun grilo ceboleiro.
Notas
[editar | editar a fonte]- ↑ Definicións no Dicionario da Real Academia Galega e no Portal das Palabras para Avespa. Como forma menos recomendable o DRAG tamén recolle vespa.
