Axel Heiberg

Axel Heiberg
	(en) Axel Heiberg Island
Tipo	illa
Epónimo	Axel Heiberg (pt)
Parte de	Illas Árticas do Canadá
Localización
Continente	América do Norte
División administrativa	Nunavut, Canadá
Localización	Illas Árticas do Canadá
	79°41′01″N 91°25′19″O / 79.6836, -91.4219
Bañado por	Océano Ártico
Características
Altitude	2.210 m
Dimensións	220 () × 371 () km ;
Punto máis alto	Pico Outlook (pt) (2.210 m )
Superficie	43.178 km²
Historia
Data de descuberta ou invención	1900

A illa Axel Heiberg sitúase nas Illas da Raíña Isabel, en Nunavut, Canadá. A parte máis alta da illa cóbrea un glaciar. Atópase entre as coordenadas 78º e 81º N e só a habita o persoal dunha pequena estación científica.

É unha illa recortada por grandes fiordes, cunha área total de 43.178 km². O punto máis alto é Outlook Peak, cunha altura de 2.211 m. O xeo e os glaciares cobren 14.733 km² da área total.

A illa foi descuberta por Otto Sverdrup en 1900, poñéndolle o nome do cónsul noruegués Axel Heiberg, que foi quen financiou a expedición. A exploración científica da illa comezou na década dos 50 do século XX.

Historia

Habitouse no pasado polo pobo inuit, pero estaba deshabitada no momento en que foi nomeada por Otto Sverdrup, que a explorou ao redor de 1900, poñéndolle o nome do cónsul noruegués Axel Heiberg, que foi quen financiou a expedición.

A exploración científica da illa comezou na década dos 50 do século XX. En 1959, científicos da McGill University exploraron o fiorde Expedition no centro da illa de Axel Heiberg. Isto deu lugar á creación da Estación de Investigación do Ártico McGill, construída a 8 km ao interior de fiorde Expedition en 1960.

Permanece deshabitada, salvo unha pequena estación científica. No entanto, aínda se conservan restos de poboados Inuit. Na illa descubriuse en 1985 un bosque petrificado do Eoceno, tres tocóns datados hai 40 millóns de anos, o que indica que esta parte norte do ártico era máis cálida e húmida que na actualidade.