Banc Sabadell

Banc Sabadell
Tipo	institución financeira, banco, negocio, empresa, empresa de capital aberto e systematic internaliser
Área de operación	España, Reino Unido, Estados Unidos de América, Francia, Portugal, Marrocos, Bahamas, México, Brasil e Andorra
Data de fundación	31 de decembro de 1881
Nomeado en referencia a	Sabadell
Presidente/a	Josep Oliu i Creus (pt) (1999-) Joan Corominas i Vila (1976-1999) Fernando Casablancas (1946-1960)
Director/a	César González-Bueno
Nº de empregados	18.895 (2022)
Organización subsidiaria	sen etiquetar e Banco Sabadell (México)
Persoas relacionadas	Josep Oliu i Creus, Pedro Fontana e César González-Bueno
Sede	Alacant, Sabadell e Sabadell
País	España
Na rede
https://www.bancsabadell.com
[ editar datos en Wikidata ]

Sede do Banc Sabadell

O Banc Sabadell é unha entidade bancaria española, con sede na cidade de Alacant. Fundado en 1881, actualmente^[cando?] está considerado o cuarto grupo bancario de España. Cotiza na Bolsa de Madrid (SAB) e forma parte do índice IBEX 35.

Marcas comerciais

A súa rede comercial alcanzou en outubro de 2007 as 1 196 oficinas pertencentes á diversas marcas baixo as que opera a entidade:

• Sabadell Atlántico, marca principal do grupo con implantación en gran parte de España.
• Solbank, marca especializada no negocio de estranxeiros residentes en España.
• Banco Herrero, implantada en Asturias e León.
• Banco Urquijo, orientada á banca privada.
• Activobank, marca multicanal especializada na xestión de activos e investimentos.

SabadellGallego

SabadellGallego é a marca coa que opera Banco Sabadell en Galiza trala adquisición do Banco Gallego por parte do Banco Sabadell. O SabadellGallego adícase á banca comercial para particulares e empresas.

O 17 de abril do 2013, Banco Sabadell adquiriu o Banco Gallego ó FROB.

O 28 de outubro do 2013, culminou o proceso de compra, e ese mesmo día púxose en marcha a marca comercial SabadellGallego.

O 21 de novembro do 2013, o consello de administración do Banco Sabadell aprobou a fusión por absorción do Banco Gallego.

Entre o 14 e o 16 de marzo do 2014, produciuse a plena integración do Banco Gallego no Banco Sabadell coa unificación dos sistemas operativos e tecnolóxicos e o cambio da marca. As oficinas do Banco Gallego en Galiza, que foron renomeadas coa marca SabadellGallego, integráronse á plataforma tecnolóxica do grupo Banco Sabadell. Por outra banda, as 28 oficinas do banco que aínda operaban coa marca de SabadellAtlántico na comunidade galega pasaron a denominarse SabadellGallego. A rede do Banco Gallego localizada fóra de Galiza integrouse coa marca SabadellAtlántico, agás nas provincias onde operaba coas marcas SabadellHerrero ou SabadellGuipuzcoano, onde adquiriron devanditas denominacións.

En xullo do 2015, anunciouse que Banco Sabadell decidira unificar as súas marcas territoriais baixo o nome 'Sabadell'. En agosto, comezarían a desenvolverse as modificacións de rotulación nas oficinas coas marcas SabadellAtlántico e SabadellCAM. SabadellHerrero, SabadellGuipuzcoano e SabadellGallego pasarán a adoptar tamén a nova denominación no futuro. SabadellUrquijo e SabadellSolbank mantenránse. Desta modificación non se sabe aínda nada a día de hoxe^[cando?], xa que a marca SabadellGallego segue a operar con normalidade.

Véxase tamén

Ligazóns externas

• Sitio web de Banc Sabadell (en varias linguas)