Bancada

Chanzos do anfiteatro de Tarraco.

Bancadas no Estadio de Riazor, A Coruña.

Unha bancada é unha fileira de asentos desde os que se presencia un espectáculo, por exemplo nun estadio, circo, etc. O termo en plural: bancadas designa o conxunto de fileiras colocadas en xeito ascendente para visualizar o espectáculo.

Un termo semellante é o de chanzo, cada un dos distintos niveis que serven de asento para os espectadores dun estadio, anfiteatro etc.

Os primeiros exemplos aparecen nos circos e anfiteatros gregos e romanos. Hoxe en día aparecen en estadios, cinemas ou lugares de reunión como teatros, circos e lugares públicos.

Outros significados

O termo bancada reférese tamén ao conxunto de táboas que teñen as embarcacións pequenas, como as dornas, gamelas, chalanas etc., colocadas de babor a estribor, onde se sentan os que vogan. Taméns e lle chama así á división da embarcación, espazo que queda entre banco e banco.

Nalgúns dicionarios bancada aparece coma sinónimo socalco ou bancal, valado de pedra que serven para conter as terras de cultivo nos terreos moi pendentes, e tamén estas terras de cultivo.

Galería de imaxes

• 
  Bancadas ateigadas de siareiros do Celta no Estadio de Balaídos, Vigo.
• 
  Bancadas cubertas no Reino Unido.
• 
  Bancadas dunha praza de touros en Maracaibo.
• 
  Bancadas no palco dun antigo cinema.
• 
  Chanzos do anfiteatro romano de Mérida, Estremadura.
• 
  Bancadas da praza de touros de Valencia.
• 
  Bancadas de madeira.

Véxase tamén

Outros artigos

• Tribuna (arquitectura)
• Vomitorio