Bath Rugby

Bath Rugby

Nome	Bath Rugby Football Club
Fundación	1865
Sede	Bath
Estadio(s)	Recreation Ground
Capacidade	12,300 espectadores
Presidente	Bruce Craig
Adestrador	Mike Ford
Capitán	Stuart Hooper
Liga(s)	Aviva Premiership
2015/16	-
Casa Fóra
Na rede
http://www.bathrugby.com

Bath Rugby é un club profesional de rugby, con sede na cidade inglesa de Bath, que compite na máxima categoría do rugby inglés, a Aviva Premiership. O club disputa os seus partidos como local no Recreation Ground.

Historia

O club foi fundado no ano 1865, o que o converte nun dos clubs máis antigos que existen aínda hoxe. Durante as súas primeiras décadas adoitaba enfrontarse a clubs veciños, ou do próximo Gales. No século XX fixo as súas primeiras saídas a Francia para xogar fronte a clubs do país galo. Coa creación da primeira competición oficial en Inglaterra a comezos dos anos 70, a copa inglesa, hoxe chamada Anglo-Welsh Cup, Bath Rugby achou a súa oportunidade para estrear palmarés.

A época dourada do club comezou a mediados dos 80, cando Bath Rugby conquistou en 4 ocasións a Copa Inglesa entre os anos 1984 e 1987. Volveu gañar o torneo nos anos 1989, 1990, 1992, 1994, 1995 e 1996.

Cando se creou a competición de liga a finais dos 80, Bath Rugby rematou 4º na súa primeira edición, pero ó seguinte ano, en 1989, si obtivo o seu primeiro título de campión inglés de liga. En 1990 rematou 3º, pero despois encadeou 4 campionatos seguidos entre 1991 e 1994. En 1996 logrou o seu 6º título de liga.

A mediados dos anos 90 o mundo do rugby emprendeu o reto da profesionalización do deporte. En 1995 creouse en Europa un campionato europeo de clubs, a Heineken Cup, por iniciativa das federacións que participaban no torneo das 5 nacións. Bath Rugby conseguiu coroarse como campión de Europa no ano 1998, ó derrotar na final por 19 a 18 ó Brive francés, campión no ano anterior. Era o primeiro club inglés campión de Europa.

Por aquel entón o palmarés nacional e europeo de Bath Rugby lideraba a clasificación dos clubs ingleses. Na súas ringleiras había estrelas como Jeremy Guscott, Mike Catt, Andy Robinson ou Phil de Glanville entre outros, pero dende entón o club non volveu ser o club dominador que foi durante 15 anos nos anos 80 e 90.

Na tempada 2007/08, 10 anos despois do seu derradeiro título, Bath Rugby logrou gañar na final da European Challenge Cup, a segunda competición continental, derrotando ós Worcester Warriors por 24 a 16. Era a terceira final que disputaba nesa competición, perdendo nas 2 anteriores, fronte a London Wasps en 2003 e fronte a Clermont en 2007.

Bath Rugby xoga os seus partidos como local no pequeno estadio The Recreation Ground, coñecido como The Rec, en Bath, onde collen unhas 12 300 persoas. O estadio construíuse en 1894, e o club está pensando amplialo ou construír un novo estadio nas aforas da cidade onde se poidan sentar cando menos 20 000 seareiros.

Ademais dos xogadores antes nomeados, en Bath Rugby teñen xogado grandes estrelas do rugby como Iain Balshaw, Steve Borthwick, Mike Tindall, Jason Robinson, Ieuan Evans, Olly Barkley, Danny Grewcock e outros.

Palmarés

Competicións nacionais

Competición	Títulos	2016	2015	2014	2013	2012	11	10	09	08	07	06	05	04	03	02	01	00	99	98	97	96	95	94	93	92	91	90	89	88
Liga inglesa	6	-	2	5	7	8	5	4	4	3	8	9	4	1	11	11	3	2	6	3	2	1	2	1	1	1	1	3	1	4

Competición	Títulos	2016	15	14	13	12	11	10	09	08	07	06	05	04	03	02	01	00	99	98	97	96	95	94	93	92	91	90	89	88	87	86	85	84	83	82	81	80	79	78	77	76	75	74	73	72
Copa inglesa	10	-											F									C	C	C		C		C	C		C	C	C	C

• Na táboa da liga, o número indica a posición final ó remate da tempada regular. En vermello, ano no que foi campión.
• Na táboa da copa, o "C" en vermello indica o ano no que foi campión, e o "F" indica o ano no que foi finalista.

Competicións continentais

Competición	Títulos	2016	15	14	13	12	11	10	09	08	07	06	05	04	03	02	01	00	99	98	97	96
Copa de Campións Europea de Rugby Copa de Europa	-	¼			1	g	g	g	¼			½	g			¼	g	g		C	¼

Competición	Títulos	16	15	14	13	12	11	10	09	08	07	06	05	04	03	02	01	00	99	98	97
European Rugby Challenge Cup Challenge Cup	1		F	¼	C					C	F			½	F

• C = Campión; F = Finalista; ½ = Semifinalista; ¼ = Cuartofinalista; g = Caeu na fase de grupos.

Tempada actual

Aviva Premiership — Tempada 2015/16
Posto	Equipo	Puntos	Xogados	Gañ.	Emp.	Per.	BO	BD
1º	Saracens	37	9	8	0	1	4	1
2º	Exeter	34	9	7	0	2	4	2
3º	Harlequins	31	9	6	1	2	3	2
4º	Leicester	29	9	7	0	2	1	0
5º	Northampton	22	9	4	0	5	1	5
6º	Wasps	20	9	4	0	5	2	2
7º	Gloucester	20	9	4	1	4	1	1
8º	Sale	17	8	3	1	4	1	2
9º	Bath	17	8	3	0	5	1	3
10º	Worcester	10	9	2	0	7	1	3
11º	Irish	8	9	2	0	7	0	0
12º	Newcastle	7	9	1	1	7	0	1
<<<< 2014/15 — Tempadas — 2016/17 >>>> En verde      os equipos en play offs (1º, 2º, 3º e 4º). En azul      os clasificados para a Copa de Campións Europea de Rugby 2015-2016 (5º e 6º). En amarelo      posición para disputar o playoff pola Copa de Campións Europea de Rugby. En rosa      o equipo en descenso directo (12º).

Véxase tamén

Outros artigos

• Aviva Premiership 2015-2016
• Copa de Campións Europea de Rugby 2015-2016

Ligazóns externas

• Páxina oficial (en inglés)