Blini
![](http://upload.wikimedia.org/wikipedia/commons/thumb/e/e0/Blini_Tanya.jpg/250px-Blini_Tanya.jpg)
Un blini[1] (en inglés: blintz; en ruso: блин, блины (pl.); en ucraíno: блинці, blyntsi) é unha torta eslava, elaborada cun amoado semellante ao dunha filloa e que tradicionalmente se serve enrolada e reenchida de crema agre, peixe afumado ou caviar.
Os blini fanse a base de fariña, ovos, leite e lévedo que pode comerse cocida no forno ou fritida, con ou sen recheo algún. É moi común na cociña eslava (rusa, ucraína, belarusa ou polonesa).
Os blini serven como base para diferentes tipos de peixes afumados (salmón, arenque, troita, sollo rei); smetana (crema agre) e ovos de peixe, e se acompañan con infusións, compota ou con viño. A bebida depende do tipo de recheo.
![](http://upload.wikimedia.org/wikipedia/commons/thumb/2/2b/Potato_pancakes.jpg/220px-Potato_pancakes.jpg)
En Belarús existe unha versión sen fariña de cereais chamada de draniki, que se elabora fritindo en aceite de xirasol unha masa composta de pataca cocida e despois relada, cebola finamente picada, ovos, sal, pementa negra e un pouco leite; tradicionalmente cómense con smetana.
Os blini son un alimento moi antigo vencellado aos pobos eslavos dende a época precristiá; pola súa forma circular e a súa cor dourada eran asociados co sol, e por iso constituían un dos pratos principais das festas pagás de Maslenitsa -unha festa que celebra a fin do inverno equivalente ao entroido galego- e de Kupala -o solsticio de verán, a nosa noite de San Xoán-.
Notas[editar | editar a fonte]
- ↑ Nome galego en VV. AA. (2012) Dicionario de alimentación e restauración, Santiago de Compostela, Termigal. Xunta de Galicia, Real Academia Galega
Véxase tamén[editar | editar a fonte]
![]() |
A Galipedia ten un portal sobre: Rusia |