Bombardier 415

Bombardier 415
	Bombardier CL-215T da Forza Aérea Española
Tipo	avión anfibio contra-incendios
Primeiro voo	1993
Introducido	1994
Unidades construídas	76
	v; c; e;

O Bombardier 415 (antigamente Canadair CL-415) é un avión anfibio canadense deseñado especificamente para a loita contra-incencios. Está baseado no avión da mesma compañía CL-215. Nos Estados Unidos comercialízase co nome "Superscooper."

Deseño

En 1987, seguindo as tendencias do mercado cara motores turbohélice máis eficientes, potentes e fiables, Canadair levou a cabo a tarefa de modernizar varios fuselaxes de CL-215 instalando motores Pratt & Whitney Canada PW123AF, conseguindo un incremento de potencia dun 15% con respecto aos motores de pistóns orixinais. O avión foi denominado CL-215T e tamén conta con varias melloras aerodinámicas e de sistemas, que inclúen controis motorizados, aire acondicionado na cabina e tamén melloras nos sistemas eléctricos e de aviónica. As características externas máis notables do novo CL-215T foron engadidos aerodinámicos nas ás e na empenaxe.

Baseado no exitoso CL-215, a compañía presentou o CL-415, unha nova serie de produción que comezou en 1993. O 415 ten unha cabina actualizada, melloras na aerodinámica e cambios no sistema de liberado de auga, creando un moderno avión contra-incendios para ser usado na detección e extinción de incendios forestais.

Comparado co CL-215, o 415 incrementou o peso e a velocidade operacional, producindo unha maior produtividade e rendemento. O 415 pode sacar ata 6.140 litros dunha fonte de auga próxima, mesturada cunha escuma química se se desexa, e arroxala ao lume sen ter que regresar á base para encher os seus tanques. O 415 foi desenvolvido especificamente para proporcionar a capacidade de lanzar grandes cantidades de auga como resposta rápida a un incendio. O avión está construído para que sexa fiable e teña unha vida operacional longa, ao estar feito con materiais resistentes á corrosión.

O primeiro 415 voou o 6 de decembro de 1993 e comezou a ser entregado en novembro de 1994. Pronto lle seguiron pedidos de varios países. En recoñecemento ás súas habilidades nas tarefas de extinción do lume, o avión foi galardoado co prestixioso "Batefuegos de oro".

Dos 76 construídos, sete foron retirados do servizo debido a accidentes.

O avión precisa unha lonxitude de 1.340 onde voar a 15 metros de altitude, e despois poder descender para coller 6.137 litros de auga durante un período de 12 segundos nun percorrido de 410 m sobre a superficie da auga.

Usuarios

Canadá

Ministry of Natural Resources and Wildlife (Quebec) - 8
Ministry of Natural Resources (Ontario) - 9
Department of Natural Resources (Newfoundland e Labrador) - 4
Government Air Services, Manitoba - 4

Croacia

Forza aérea croata - 6

Francia

Sécurité Civile - 12 e 3 pedidos ^[1]^[2]

Grecia

Forza aérea grega - 8

Italia

Protezione Civile - 15

España

Forza aérea española - 3 e 2 pedidos^[3]
Unidade militar de emerxencias (UME) - 2 pedidos^[3]

Estados Unidos

Los Angeles County Fire Department - aluga 2 do Quebec para usar durante a estación de lumes.^[4]^[5]
Condado de San Diego - aluga 2 do Quebec para usar durante tres meses, dende o 13 de setembro ao 13 de decembro^[6]

Malaisia

Axencia Malaisia de vixilancia marítima - dous 415MP pedidos.^[7]

Marrocos

Forza aérea marroquí - 4 (dous pedidos)

Notas

↑ Keijsper 2008, p. 40.
↑ "Copia arquivada". Arquivado dende o orixinal o 13 de marzo de 2017. Consultado o 04 de xaneiro de 2017.
↑ ^3,0 ^3,1 Keijsper 2008, p. 43.
↑ -, Zev (September 14, 2011). "Fighting fire with some super friends". Los Angeles County. Arquivado dende o orixinal o 18 de xaneiro de 2014. Consultado o January 16, 2014.
↑ Bartholomew, Dana (August 26, 2013). "Canadian Super Scoopers arrive early in L.A. County to take on fire season". Los Angeles Daily News. Consultado o January 16, 2014.
↑ "County leases fire-fighting planes from Quebec." SignOnSanDiego. Retrieved: July 29, 2011.
↑ Vogelaar, Rob."Bombardier Sells Four Bombardier 415 Amphibious Firefighting Aircraft to an Undisclosed Customer." aviationnews.eu, March 28, 2011. Retrieved: July 29, 2011.

Véxase tamén

[p40-1] Keijsper 2008, p. 40.

[bombardier.com-2] "Copia arquivada". Arquivado dende o orixinal o 13 de marzo de 2017. Consultado o 04 de xaneiro de 2017.

[p43-3] 3,0 ^3,1 Keijsper 2008, p. 43.

[4] -, Zev (September 14, 2011). "Fighting fire with some super friends". Los Angeles County. Arquivado dende o orixinal o 18 de xaneiro de 2014. Consultado o January 16, 2014.

[5] Bartholomew, Dana (August 26, 2013). "Canadian Super Scoopers arrive early in L.A. County to take on fire season". Los Angeles Daily News. Consultado o January 16, 2014.

[6] "County leases fire-fighting planes from Quebec." SignOnSanDiego. Retrieved: July 29, 2011.

[aviation.ca-7] Vogelaar, Rob."Bombardier Sells Four Bombardier 415 Amphibious Firefighting Aircraft to an Undisclosed Customer." aviationnews.eu, March 28, 2011. Retrieved: July 29, 2011.

[1]

[2]

[3]

[4]

[5]

[6]

[7]