Bothus podas

Bothus podas
Rapapelos de ollos grandes,
rascón de ollos grandes

Bothus podas
(Delaroche, 1809) ^[1]

Bothus podas é unha especie de peixe teleósteo da orde dos pleuronectiformes, suborde dos pleuronectoideos e familia dos bótidos,^[1] coñecida en galego como rapapelos de ollos grandes ou rascón de ollos grandes.^[2]

Taxonomía

A especie foi descrita en 1809 polo médico e naturalista suízo François-Étienne de La Roche, ou Delaroche, co nome de Pleuronectes podas.^[1]

Ao longo da historia, foi coñecida, entre outros, ademais de polo seu nome válido actualmente,polos sinónimos:^[1]

Segundo o SIIT, recoñécense dúas subespecies,^[3] aínda que a maioría dos autores consideran estas como sinónimos da especie

As principais características morfolóxicas desta especies son:^[4]^[5]

Corpo ovalado, deprimido, sinistro (cos dous ollos no lado esquerdo), de até 45 cm de lonxitude máxima,^[6] aínda que o tamaño medio dos espécimes capturados rolda os 13 cm.^[7] O peso máximo rexistrado foi de 700 g.^[6]
Os ollos dos machos son redondos, e están moi separados entre si (máis que nas femias), estando o superior máis adiantado que o inferior.
Aleta dorsal con de 85 a 95 raios; e a anal con de 63 a 73.
A aleta doiral, que nace á altura do ollo superior, esténdese por todo o costado do peixe até a aleta cudal.
A aleta pectoral do ladoi cego é maí curta cá do lado pigmentado (ocular).
As escamas no lado ocular son ctenoides (rugoas), mentres que no lado cego son cicloides (lisas).
A coloración do lado cego e sempree branca ou abrancazada, mentres que a do lado ocular ou pigmentado varía en función do medio en que se acha, mimetiuzándose co solo atñe aparecer como invisíbel.

A especie presenta dimorfismo sexual: ademais da maior separacióin dos ollos nos machos, o perfil destes é máis alongado, mentres que o das femias é máis arredondado; outra diferenza é que os machos presentan unha pequena espiña no fociño.
A subespecie da costa do Mediterráneo e de África, B. p. podas ten de 75 a 86 escamas na liña lateral, con de 13 a 20 escamas na parte curva desta; a subespecie de Madeira e das Canarias. B. p. maderensis, pola contra, ten de 88 a 91 escamas na liña lateral, das que de 20 a 21 están na parte curvada.

É un peixe mariño, demersal, que vive en augas intertropicais, do Atlántico oriental e no Mediterráneo, en fondos de entre os 15 e os 400 m de profundidade,^[8] entre os 45° N e os 15° S, e entre os 26° W e os 36° E,^[4] e a súa área de distribución comprende as augas costeiras desde Portugal até Angola, incluíndo os arquipélagos de Madeira e das Canarias, e as do mar Mediterráneo.^[5]^[9]

A especie vive en augas pouco profundaa sobre fondos areosos e lamacentos da plataforma continental.^[9]^[10]

A reprodución ocorre entre os meses de maio e agosto.^[9]

Os individuos xuvenís adáptanse ben en acuarios, pero requiren suficientes zonas de fondos adecuados.^[9]

Bothus podas é unha especie comestíbel, e péscase nas zonas do Atlántico nordeste, centro-leste e sueste, e no mar Mediterráneo.^[2]

↑ ^1,0 ^1,1 ^1,2 ^1,3 Bothus podas (Delaroche, 1809) no WoRMS.
↑ ^2,0 ^2,1 Lahuerta e Vázquez (2000), p. 79.
↑ Bothus podas no SIIT.
↑ ^4,0 ^4,1 Bothus podas (Delaroche, 1809) en FishBase.
↑ ^5,0 ^5,1 Bothus podas en DORIS.
↑ ^6,0 ^6,1 Ly, B., M. Diop et M. Girardin (1996): Guide et nomenclature nationale commerciale des especes marines (poissons, crustaces et mollusques) pechees en Mauritanie. Nouakchot: Centre National de Recherches Oceanographiques et des Peches, Ministere des Peches et de l'Economie Maritime.
↑ Bauchot, M.-L. (1987): "Poissons osseux". En: W. Fischer, M.L. Bauchot and M. Schneider, eds. Fiches FAO d'identification pour les besoins de la pêche. (rev. 1). Méditerranée et mer Noire. Zone de pêche 37. Vol. II. Roma: Commission des Communautés Européennes and FAO, pp. 891-1421.
↑ Sanches, J. G. (1991): Catálogo dos principais peixes marinhos da República de Guiné-Bissau. Publicações avulsas do I.N.I.P. No. 16.
↑ ^9,0 ^9,1 ^9,2 ^9,3 ^9,4 Göthel, H. (1992): Fauna marina del Mediterráneo. Barcelona: Ediciones Omega, S. A.
↑ ^10,0 ^10,1 Maigret, J. et B. Ly (1986): Les poissons de mer de Mauritanie. Science Nat., Compiègne.

Aldebert, Y.; M. Desoutter and J.-C. Quéro (1990): "Bothidae". En J. C. Quéro, J. C. Hureau, C. Karrer, A. Post and L. Saldanha, eds. Check-list of the fishes of the eastern tropical Atlantic (CLOFETA). Vol. 2. pp. 1027–1036. JNICT, Lisboa; SEI, París; e UNESCO, París.
Lahuerta Mouriño, Fernando e Francisco X. Vázquez Álvarez (2000): Vocabulario multilingüe de organismos acuáticos. Santiago: Xunta de Galicia / Termigal. ISBN 84-453-2913-8.
Nelson, Joseph S. (2006): Fishes of the World. Nova York: John Wiley & Sons, Inc. ISBN 978-0-471-25031-7.
van der Land, J.; Costello, M.J.; Zavodnik, D.; Santos, R.S.; Porteiro, F.M.; Bailly, N.; Eschmeyer, W.N.; Froese, R. (2001): "Pisces", en: Costello, M. J. et al., eds. European register of marine species: a check-list of the marine species in Europe and a bibliography of guides to their identification. Collection Patrimoines Naturels, 50: pp. 357–374.

Bothus podas en ADW.
Bothus podas en DORIS. Ampla información, imaxes e mapas de distribución (en francés)
Bothus podas en INPN.
Bothus podas no NCBI.