Bowery Electric
| Bowery Electric | |
|---|---|
| Orixe | Nova York,  |
| Período | 1993 - 2000 |
| Xénero(s) | shoegazing, trip hop, post-rock |
| Selo(s) discográfico(s) | Beggars Banquet Records, Happy Go Lucky, Hi-Fidelity Recordings, Kranky |
| Membros | Lawrence Chandler Martha Schwendener |
| Antigos membros | Jon Dale Michael Johngren Wayne Magruder |
| Na rede | |
            | |
Bowery Electric foi unha banda estadounidense de post-rock formada por Lawrence Chandler e Martha Schwendener no ano 1993.
Historia
[editar | editar a fonte]Formada por Lawrence Chandler e Martha Schwendener a finais de 1993, Bowery Electric realizou o seu primeiro concerto en Nova York en xaneiro de 1994. O primeiro lanzamento da banda foi un dobre sinxelo de 7" gravado por Kramer e editado por Hi-Fidelity Recordings en 1994. Tras escoitalo o selo Kranky contactou co grupo.
O seu álbum de estrea, Bowery Electric, foi gravado por Michael Deming no Studio .45 en Hartford, Connecticut, e editado por Kranky en 1995. Andrew Earle incluíu o disco no seu libro de 2014 Gimme Indie Rock: 500 Essential American Underground Rock Albums 1981-1996.[1] En 2016 Pitchfork nomeouno o 35º mellor álbum de shoegaze da historia.[2]
En 1996 a banda publicou o álbum Beat que incluía o sinxelo "Fear of Flying".[3] En 2016 Beat foi reeditado por Kranky en vinilo polo seu 20 aniversario.[4]
Vertigo, un álbum de remesturas de temas de Beat, foi editado en 1997. Vertigo contaba con distintos artistas como Third Eye Foundation, Robert Hampson, Witchman e outros.[5]
No ano 2000 a banda lanzou o álbum Lushlife, que fora gravado en Electric Sound. O disco chegou ao número 14 da lista Top 200 [6] e ao 11 da lista Core Radio de CMJ.[7] Dende entón o grupo non volveu a editar máis música nin a actuar como Bowery Electric.[8]
Discografía
[editar | editar a fonte]Álbums
[editar | editar a fonte]| Álbum | Ano | Selo |
|---|---|---|
| Bowery Electric | 1995 | Kranky |
| Beat | 1996 | Beggars Banquet Records |
| Lushlife | 2000 | Beggars Banquet Records |
Notas
[editar | editar a fonte]- ↑ Earles, Andrew (2014). Gimme indie rock : 500 essential American underground rock albums 1981-1996. Minneapolis. p. 47. ISBN 978-0-7603-4648-8. OCLC 868039493.
- ↑ "The 50 Best Shoegaze Albums of All Time - Page 2". Pitchfork (en inglés). Consultado o 2023-02-27.
- ↑ "Bowery Electric rewired shoegaze to trip-hop to create a huge ’90s sound". The A.V. Club (en inglés). 2014-05-15. Consultado o 2023-02-27.
- ↑ "Kranky - for our final release of 2016, we will be releasing Bowery Electric's landmark album 'Beat' on vinyl for the first time on the 20th anniversary of its original release [11/11/96]". www.facebook.com. Consultado o 2023-02-27.
- ↑ "Bowery Electric - Vertigo Album Reviews, Songs & More". AllMusic (en inglés). Consultado o 2023-02-27.
- ↑ "CMJ Top 200". CMJ New Music Report. 62 (661): 13. 10 de abril de 2000.
- ↑ "Core Radio". CMJ New Music Report. 62 (659): 18. 27 de marzo de 2000.
- ↑ "BOWERY ELECTRIC - history". www.brainwashed.com. Consultado o 2023-02-28.
