Cándida Xu
  | |
| Biografía | |
|---|---|
| Nacemento | 1607 Nanzhili, Dinastía Ming (en)  |
| Morte | 1680 (72/73 anos) |
| Actividade | |
| Ocupación | líder relixioso |
| Familia | |
| Fillos | Xu Zhanzeng |
| Parentes | Xu Guangqi, avó |
Cándida Xu (chinés tradicional: 許/徐 甘弟大; pinyin: Xǔ/Xú Gāndìdà; Wade-Giles: Hsü3/Hsü2 Kan1-ti4-ta4), nada o 4 de setembro de 1607 e finada o 24 de xullo de 1680, foi unha católica chinesa de finais da dinastía Ming e comezos da Qing. Descrita como "quizais a cristiá chinesa máis influente do século XVII",[1] foi a primeira muller chinesa en aprender latín da que se ten constancia.
Traxectoria
[editar | editar a fonte]Nada durante a festa de Santa Cándida a Vella, da que recibiu o seu nome, Xu era a neta de Xu Guangqi (1562-1633), quen se convertera ao cristianismo catro anos antes.[2]
Dende moi nova, amosou unha fonda devoción relixiosa. Viúva aos 46 anos, dedicouse dende entón a servir á Igrexa. Malia pertencer á clase alta, divulgou a doutrina cristiá na China. Grazas á influencia do seu pai e mais do seu fillo, conseguiu beneficios para as misións xesuítas por parte dos funcionarios locais.
Xa que posuía gran patrimonio privado, fixo grandes doazóns para facilitar a estancia dos misioneiros, así como para a construción de preto de corenta igrexas e capelas. Tamén axudou á publicación de moitos textos relixiosos en lingua chinesa. Por outra banda, contribuíu á procura de sobreviventes cristiáns da Igrexa de Sichuan tras a revolta de Zhang Xianzhong.[3]
Xu liderou ás mulleres cristiás da zona de Shanghai, entre as que se atopaban as súas propias fillas. Organizou o tecido de teas e bordados, cos que obtiveron máis ganancias para o labor dos misioneiros.[1]
Na súa época, foi denominada a Apóstolo da China.[4] A súa historia tivo moito éxito en Europa grazas a unha biografía de Philippe Couplet, o seu confesor.[5]
Notas
[editar | editar a fonte]- ↑ 1,0 1,1 King 1998.
- ↑ "主頁". 聖神研究中心 Holy Spirit Study Centre (en chinés). Consultado o 2024-12-30.
- ↑ Gourdon 1981, p. 63-65.
- ↑ Anderson 1999, p. 752.
- ↑ Couplet 1688.
Véxase tamén
[editar | editar a fonte]Bibliografía
[editar | editar a fonte]- Anderson, Gerald H. (1999). Biographical Dictionary of Christian Missions (en inglés). Wm. B. Eerdmans Publishing. ISBN 978-0-8028-4680-8.
- Couplet, Philippe (1688). Histoire d'une dame chrétienne de la Chine (en francés).
- Gourdon, François-Marie-Joseph (1981) [1918]. 圣教入川记 [Rexistro da entrada da Igrexa Católica en Sichuan] (en chinés). Sichuan Renmin Chubanshe.
- King, Gail (1998). "Candida Xu and the Growth of Christianity in China in the Seventeenth Century". Monumenta Serica (en inglés) 46: 49–66. JSTOR 40727172. doi:10.1080/02549948.1998.11731309.
