Cándido Alfonso González
| Biografía | |
|---|---|
| Nacemento | 13 de novembro de 1905  Carballo, España |
| Morte | 26 de febreiro de 1966 (60 anos) Buenos Aires, Arxentina |
| Actividade | |
| Ocupación | escritor, xornalista |
  | |
Cándido Alfonso González Tiradas, nado en Carballo o 13 de novembro de 1905 e finado en Buenos Aires o 26 de febreiro de 1966, foi un xornalista e escritor galego.
Traxectoria
[editar | editar a fonte]Cara 1918 marchou estudar a Miranda de Ebro no Colexio Jovenado de los Redentoristas El Espino, no que estivo cinco anos. Volveu a Carballo e estudou co profesor Francisco Perdigón. Finalmente marchou a Buenos Aires o 7 de xaneiro de 1925. Na capital arxentina desenvolveu un intenso labor no ámbito político e cultural da emigración galega. Colaborou na prensa, ás veces utilizando os pseudónimos Paio de Rebordelos, Alfonso A. Leriar e Xilo da Goubea, foi redactor e subdirector do semanario Galicia, subdirector de Opinión Gallega durante cinco anos e director de Orientación Gallega. Foi autor de comedias, dramas, poesía, lendas e glosas. Foi secretario da S.C.R. de Carballo Lar Bergantiñán nos anos cincuenta. Participou no Congreso da Emigración Galega de 1956 co relatorio "Da necesidade de arrequecer a nosa cultura. Teatro galego e radiotelefonía" e como representante da Juventud Republicana Federal Movimiento Federal con outro titulada "As sociedades galegas, o que se ten feito, o que se pode facer".
Obras
[editar | editar a fonte]- ¡Mal ollo!... Comedia de ambente mariñeiro, 1954. Editorial Nós.
Foi autor de dramas, poesía, glosas, comedias como Mala Semilla (1932), Por la pendiente (1932); lendas como: "A moza do Risco Roxo", "O Castelo de lúa", "A tumba dos namorados"; estampas galegas: "Esfolla na eira" (en colaboración con Antón Comesaña), "Terra nosa" e "Adiós Ríos", publicadas en 1949 polo semanario Galicia.
Véxase tamén
[editar | editar a fonte]Bibliografía
[editar | editar a fonte]- "González, Cándido Afonso". Enciclopedia Galega Universal. Ir Indo. 1999-2002. ISBN 84-7680-288-9.
- "GONZÁLEZ, Cándido Alfonso". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.
- Fernández del Riego, F. (1992) [1990]. Diccionario de escritores en lingua galega (2ª ed.). Do Castro. ISBN 84-7492-465-0.
- X.F. (2006). "Cándido Alfonso González Tiradas (1905-1966)" (PDF). Pomba Dourada. Revista do IES Alfredo Brañas: 26–27.
- Vilavedra, Dolores, ed. (1995). Diccionario da literatura galega. Autores I. Vigo: Editorial Galaxia. ISBN 84-8288-019-5.
