César Fernández Gonzalez
| Biografía | |
|---|---|
| Nacemento | 28 de xaneiro de 2004  (20 anos)O Barco de Valdeorras, España |
| Altura | 181 cm |
| Actividade | |
| Ocupación | futbolista |
| Deporte | fútbol |
| Posición de xogo | Gardameta |
 | |
César Fernández González, nado no Barco de Valdeorras o 28 de xaneiro de 2004, é un xogador de fútbol galego que xoga como porteiro no Celta de Vigo Fortuna, equipo filial do Celta de Vigo.
Traxectoria
[editar | editar a fonte]César Fernández comezou a súa no Club Polideportivo Calasancio de Monforte, preto da súa vila natal, O Barco.[1] Posteriormente continuou a súa carreira nas categorías inferiores do Celta, onde fichou polo Alevín A. Na tempada 2023-24 militou no Gran Peña, que nese ano funcionaba como terceiro filial do club celeste coa denominación de Celta C-Gran Peña. Debutou co Celta Fortuna fronte á SD Logroñés no campo das Gaunas o 3 de decembro de 2023, nun encontro que finalizou con vitoria celeste por 2 a 3.[2]
O seu debut co primeiro equipo do Celta de Vigo foi o 21 de xullo de 2024, da man do adestrador Claudio Giráldez, nun encontro amigábel disputado perante o Vizela no campo da Lomba, en Vilagarcía de Arousa, e que rematou coa vitoria celeste por 4 goles a 0. Fernández disputou os segundos 45 minutos do partido.
César Fernádez foi ademais porteiro internacional con diversas seleccións inferiores da Selección española de fútbol até a categoría sub-19.[3]
Notas
[editar | editar a fonte]- ↑ "César Fernández vivió su debut en Primera Federación con el Celta Fortuna.". La Voz de Galicia. 4 de decembro de 2023.
- ↑ Castro, Xosé Ramón (3 de decembro de 2023). "Remontada del Celta Fortuna en un partido loco en Las Gaunas (2-3).". La Voz de Galicia.
- ↑ "El canterano del Celta César Fernández, fuera del Europeo sub-19.". La Voz de Galicia. 30 de xuño de 2023.
