Canopus

Canopus

Canopus, ou α Carinae, é a estrela máis brillante da constelación de Carina, no hemisferio sur. É unha superxigante branco-amarela que se localiza a 310 anos luz do sistema solar é a segunda estrela máis brillante do ceo, cunha magnitude aparente de -0,62. Ten unha declinación de −52º 42' (2000) e unha ascensión recta de 06h ata 24 m, e é visible dende a costa africana do mar Mediterráneo.

Características

A súa luminosidade é 10700 veces superior a do Sol, é a estrela máis brillante nun radio de 700 anos luz en torno á Terra. A distancia á que se atopa foi obxecto de discusión pola súa natureza infrecuente, é unha estrela de tipo espectral F0 IA, un tipo de superxigantes pouco abundantes e do que non se sabe moito, poderían ser estrelas que están a converterse en xigantes vermellas , ou que xa pasaron por esta fase. Isto fixo difícil determinar a magnitude absoluta e, polo tanto, a distancia, así e todo a determinación da paralaxe, grazas ás observacións do satélite Hipparcos, permitiu calcular a distancia, sen a necesidade de coñecer a magnitude absoluta, que, por outra banda, agora pode comezar a obterse coñecendo a súa magnitude aparente.