Carl Ludwig Blume

Carl Ludwig Blume

Biografía
Nacemento	9 de xuño de 1796 Braunschweig, Alemaña
Morte	3 de febreiro de 1862 (65 anos) Leiden, Países Baixos
Cargos Director do Rijksherbarium
Datos persoais
Educación	Universidade de Leiden
Actividade
Campo de traballo	Botánica
Ocupación	botánico, entomólogo, micólogo, ilustrador científico, profesor universitario, pteridólogo, briólogo, coleccionista de plantas
Empregador	Universidade de Leiden, Q26203895 . Faculdade de Matemática e Ciências Naturais (pt) (1831–1862)
Membro de	Leopoldina Real Academia das Ciencias de Suecia Real Academia de Artes e Ciencias dos Países Baixos
Obra
Abreviación dun autor en botánica	Blume
Descrito pola fonte	Allgemeine Deutsche Biographie (pt)

Portada de Collection des Orchidées les plus remarquables de l'archipel Indien et du Japon, de Blume

Carl Ludwig Blume (en neerlandés Karel Lodewijk Blume), nado en Braunschweig (Alemaña) o 9 de xuño de 1796 e finado en Leiden (Países Baixos) o 3 de febreiro de 1862, foi un naturalista e botánico alemán-neerlandés.

Traxectoria

Estudou na Universidade de Leiden (na que tamén foi profesor) e pasou a súa vida profesional traballando nas Indias Orientais Neerlandesas, especialmente na illa de Xava, e nos Países Baixos, onde foi o director do Rijksherbarium (Herbario do Estado) en Leiden. Levou a cabo uns extenso estudos da flora do sur de Asia, particularmente da illa de Xava. Ademais de botánico, tamén foi entomólogo.

O seu nome preséntase ás veces en neerlandés, como Karel Lodewijk Blume, pero a forma alemá é a máis amplamente utilizada nos textos botánicos.

Desde 1823 a 1826 Blume foi o subdirector de agricultura no xardín botánico de Bogor (en neerlandés Buitenzorg) en Xava.

En 1818 foi elixido membro da Academia alemá das Ciencias Naturais Leopoldina. En 1827 foi elixido membro correspondente do Real Academia da Artes e das Ciencias dos Países Baixos. E en 1855, elixido membro estranxeiro da Real Academia Sueca de Ciencias.

Blume planeou, xunto con Philipp Franz von Siebold, a fundación da "Koninklijke Nederlandsche Maatschappij tot aanmoediging van den Tuinbouw" (Real Sociedade Neerlandesa para o Avance da Horticultura), que comezou os seus traballos en 1842.

Carl Ludwig Blume mantivo correspondencia durante un tempo con Charles Darwin.

Estudou e describiu numerosos xéneros de orquídeas.

Obra

• "Catalogus van eenige der merkwaardigste zoo in- als uitheemse gewassen, te vinden in 's Lands Plantentuin te Buitenzorg" opgemaakt door C. L. Blume, M.D., Directeur van voorz. tuin. s.l. n.d. (Catálogo de algunhas plantas nativas e exóticas en Buitenzorg) Batavia 1823
• Tabellen en Platen voor de Javaansche Orchideen. 1825
• Bijdragen tot de flora van Nederlandsch Indië... (Contribucións á flora das Indias Neerlandesas) 1825-1827
• Enumeratio plantarum Javae et insularum adjacentium 1827-1828
• Flora Javae nec non insularum adjacentium... Arquivado 31 de xullo de 2012 en Wayback Machine. (con J. B. Fischer) 1828-1858
• "Rumphia, Sive Commentationes Botanicae imprimis de Plantis Indiae Orientalist, Lugdunu-Batavorum", Ámsterdam, Bruxelas e París, 1835-1848. 4 vv.
• Museum botanicum lugduno-batavum..., 1849-1857
• Flora Javae et insularum adjacentium nova series 1858-1859
• "Collection des Orchides les plus remarquables de l’Archipel Indien et du Japon". Ámsterdam, 1858. Con texto e gravados fidedignos en cor.

Honores

Eponimia

Xéneros

• (Asteraceae) Blumea DC.
• (Bombacaceae) Blumea Rchb.
• (Loranthaceae) Blumella Tiegh.

Revista

• Revista científica Blumea.

Abreviatura

A abreviatura Blume emprégase para recoñecer a Carl Ludwig Blume como autoridade na descrición e clasificación científica en botánica.

Véxase tamén

Ligazóns externas

• Todas as especies decritas por Blume no IPNI.