Carles Casals Ribes
| Biografía | |
|---|---|
| Nacemento | 29 de agosto de 1852  Sants-Montjuïc, España |
| Morte | 1908 (55/56 anos) Bonastre, España |
| Actividade | |
| Ocupación | organista, catedrático, pianista, compositor |
| Instrumento | Órgano |
| Familia | |
| Cónxuxe | Pilar Defilló Amiguet |
| Fillos | Pau Casals, Enric Casals Defilló |
 | |
Carles Casals i Ribes, nado en Barcelona en 1852 e finado en Bonastre en 1908, foi un organista, pianista e compositor moi vinculado á vila de El Vendrell (Cataluña). Os seus fillos Enric e, moi especialmente Pau Casals foron músicos de renome.
Traxectoria
[editar | editar a fonte]Cando tiña 20 anos presentouse para a praza de organista da igrexa parroquial de El Vendrell, gañándoa; posteriormente dirixiría tamén o coro. Entre os anos 1890 e 1891 renunciou á praza de organista e trasladouse a Barcelona coa súa familia. Carles Casals tiña execentes cualidades para a pedagoxía musical e gañouse a vida dando clases de solfexo e piano, onde tivo un gran número de discípulos, entre os que salientan a súa dona, Pilar Defilló e os seus fillos Enric e Pau; tamén o foron os músicos de El Vendrell Benvingut Socias (pianista), Bonaventura Dini (violonchelista) e Pau Palau Calaf.
Obras
[editar | editar a fonte]- Los pastorcillos en Belén (1883), remusicación duns pastorets de Nadal antigos que eran representados en El Vendrell. Música de Carles Casals, con algunha colaboración do seu fillo Pau, quen daquela contaba con sete anos.[1]
Notas
[editar | editar a fonte]- ↑ "L’orgue del Vendrell en la obra “Los pastorcillos en Belen” de Carles Casals" (en catalán). 2008-12-31. Consultado o 2020-01-31.
