Carlos de Passos
.png)  | |
| Biografía | |
|---|---|
| Nacemento | 1890 Porto, Portugal |
| Morte | 1958 (67/68 anos) |
| País de nacionalidade |  Português |
| Educación | Universidade de Coímbra |
| Actividade | |
| Ocupación | historiador |
| Membro de | |
Carlos Fernandes de Pasos, nado no Porto o 24 de decembro de 1890 e finado no mesmo lugar o 18 de xullo de 1958, foi un historiador, xornalista e publicista, que colaborou na monumental História de Portugal dirixida por Damião Peres e tamén nas revistas Terra portuguesa (1916-1927) e Revista Municipal[1] do Concello de Lisboa.[2][3]
Traxectoria
[editar | editar a fonte]Naceu na cidade do Porto, oriundo dunha familia con raíces en Ponte de Lima, onde posuían propiedades, e tamén con raíces na Galicia fidalga.
Estudou Ciencias Histórico-Xeográficas na Universidade de Coímbra onde foi alumno de Carolina Michaëlis de Vasconcelos. Alí comezou a escribir en O Instituto. Jornal Scientífico e Litterario.[4]
Foi historiador, investigador rexionalista e escritor con vasta obra publicada, especialmente sobre Ponte de Lima. Foi tamén tenente de alcalde de Ponte de Lima.
A conexión a Ponte de Lima débese a vivir regularmente na Casa da Cruz da Pedra, na freguesía de Sá, herdada da familia paterna.[5]
Cando faleceu, da súa biblioteca privada foron doados cerca de dous mil libros á Biblioteca Municipal de Ponte de Lima.
Relación con Galicia
[editar | editar a fonte]Nos anos 1920 entrou en contacto con intelectuais galegos, sobre todo Antonio Noriega Varela. Os contactos estritáronse na Semana Cultural Galega que o Seminario de Estudos Galegos organizou en 1935 no Porto na que quedou con dedicatorias de Vicente Risco, Otero Pedrayo, Filgueira Valverde e Xesús Carro. Tamén se relacionou con Leandro Carré Alvarellos, colabou en A Nosa Terra e en 1924 foi nomeado correspondente da Real Academia Galega. No arquivo que el doou á Biblioteca Municipal de Ponte da Lima consérvanse 151 cartas cos seus amigos galegos.[4]
Recoñecementos
[editar | editar a fonte]Foi distinguido coa comenda da Orde de Afonso X, o Sabio (Orden Civil de Alfonso X el Sabio), de España, e coa comenda da Orde Suprema Militar do Templo de Xerusalén.[5]
Notas
[editar | editar a fonte]- ↑ "Revista Municipal [1939-1954]". hemerotecadigital.cm-lisboa.pt (en portugués). Consultado o 2020-10-30.
- ↑ "Dicionario jornais" (PDF). hemerotecadigital.cm-lisboa.pt.
- ↑ A Carlos de Passos : homenagem dos seus amigos e camaradas. Porto : Editorial Domingos Barreira, 1958.
- ↑ 4,0 4,1 Arias Cachero, Patricia (Xullo, agosto, setembro 2020). "O historiador portugués Carlos de Passos e a súa relación con intelectuais galegos". Grial. LVIII (227): 40–45. ISSN 0017-4181.
- ↑ 5,0 5,1 "Carlos de Passos". Carlos de Passos (en portugués). Consultado o 2020-10-30.
