Saltar ao contido

Casa da Navegación

Engadir ligazóns
Na Galipedia, a Wikipedia en galego.
Casa da Navegación
Tipomuseo Editar o valor en Wikidata
Localización
Mapa
 42°07′08″N 8°50′53″O / 42.118985, -8.848113
EstadoEspaña
Comunidade autónomaGalicia
Provinciaprovincia de Pontevedra
ConcelloBaiona Editar o valor en Wikidata
Código postal36300 Editar o valor en Wikidata
EnderezoRúa Ventura Misa, 17 Editar o valor en Wikidata
Contacto
Teléfono+34 986-356688 Editar o valor en Wikidata
Correomailto:casa.navegacion@baiona.org Editar o valor en Wikidata
RedesFacebook: CasaNavegacionBaiona Editar o valor en Wikidata
[ Wikidata ]

A Casa da Navegación é un espazo expositivo de titularidade municipal do concello de Baiona, na provincia de Pontevedra.

Descrición

[editar | editar a fonte]

O museo, proxecto que comezou no ano 2009, costeado pola Deputación provincial de Pontevedra e o concello de Baiona, foi inaugurado o 1 de marzo de 2015 por representantes doutras dúas institucións: o presidente da Xunta de Galicia, Alberto Núñez Feijóo, e a daquela ministra de Fomento, Ana Pastor Julián.[1][2]

O edificio, a Casa María Carvajal,[3] que anteriormente foi casa do concello, foi rehabilitado para o uso actual.[4] De dous andares, alberga unha colección procedente, en parte, do Museo do Mar de Galicia e o Museo Provincial de Pontevedra, onde estaba en depósito, que inclúe unha réplica feita no 2001 da Carta Puebla fundacional de Afonso IX, cartografía da colección de Román Pereiro Alonso e outros documentos, pezas arqueolóxicas (unha lauda sepulcral, unha moeda do século XIII e fragmentos de cerámica), unha maqueta da carabela Pinta feita en 1985, o robot submarino RU-27, mobiliario (entre o que destaca o arquivo do corrixidor),[5] aparellos de pesca cedidos por Remigio Leyenda, fotografías cedidas por Esperanza Fernández Vernet, instrumentos de navegación, obxectos procedentes de naufraxios, vellas lámpadas do faro Silleiro e dúas pequenas pezas de artillaría.[6]

Crítica

[editar | editar a fonte]

En 2015 o Valedor do Pobo abriu un expediente por ter o museo todo o texto exposto (tanto as placas dos obxectos como os paneis de gran formato) exclusivamente en castelán e inglés, excluído a lingua galega. O concello alegou falta de espazo e que a exposición estaba orientada a un público estranxeiro.[7]

Galería de imaxes

[editar | editar a fonte]
Planta baixa
  • A New Generall Chart for the West Indies Por Ier: Seller e Ch: Price London 1703.
    A New Generall Chart for the
    West Indies
    Por Ier: Seller e Ch: Price
    London 1703.
  • Cadeira de brazos con escudo.
    Cadeira de brazos con escudo.
  • RU-27 Scarlet Knight.
    RU-27 Scarlet Knight.
  • Moble arquivo do corrixidor Agustín de Arteaga, 1679.
    Moble arquivo do corrixidor Agustín de Arteaga, 1679.
  • Sección de arqueoloxía.
    Sección de arqueoloxía.
  • Lauda sepulcral.
    Lauda sepulcral.
Primeiro andar

Notas

[editar | editar a fonte]
  1. ↑ Erro na cita: Etiqueta <ref> non válida; non se forneceu texto para as referencias de nome XUNTA
  2. ↑ Erro na cita: Etiqueta <ref> non válida; non se forneceu texto para as referencias de nome FDV0315
  3. ↑ En ocasións escrito Carbajal.
  4. ↑ «Poner en marcha el museo de la navegación de Baiona costará otros 150.000 euros» La Voz de Galicia, 12/3/2014 (en castelán).
  5. ↑ «Un armario con solera» Arquivado 16 de setembro de 2016 en Wayback Machine. La Voz de Galicia, 13/9/2003 (en castelán).
  6. ↑ «Los cañones del vigués Pedro Novalbos se exhiben en Baiona» Atlántico Diario, 2/3/2015 (en castelán).
  7. ↑ Expediente: P.1.Q/12814/15 Valedor do Pobo.

Véxase tamén

[editar | editar a fonte]

Outros artigos

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Casa_da_Navegación&oldid=7003707»