Chelsea Charms

Chelsea Charms

Chelsea Charms en maio do 2011.
Biografía
Nacemento	7 de marzo de 1976 (48 anos) Twin Cities, Minnesota
Outros nomes	Chelsea Charms Queen of Big Boobs The Woman With the Largest Breasts in the World
País de nacionalidade	estadounidense
Altura	157 cm
Peso	54 kg
Cor dos ollos	Verde
Cor do pelo	Castanho-claro (pt)
Actividade
Campo de traballo	Porno softcore e big bust pornography (en)
Ocupación	Modelo erótica
Período de actividade	1999 -
Descrito pola fonte	Babepedia Boobpedia (pt) , Pornopedia (pt) ,
Sitio web	chelseacharms.com

Chelsea Charms é unha modelo erótica estadounidense, referente do movemento das big-bust models ou modelos de grandes peitos debido ao grande tamaño que acadou. Ela mesma se designa como "a muller cos maiores peitos do mundo".

Biografía

Chelsea Charms naceu o 7 de marzo de 1976 na cidade de Minneapolis-Saint Paul, no estado norteamericano de Minnesota.

En 1999 decidiu probar sorte no mundo do erotismo e comezou a actuar en locais de striptease. Logo decidiría operarse para tentar abrir novas portas na súa carreira profesional, inspirada por modelos como Traci Topps e Sarenna Lee. Aínda que contaba xa de modo natural cunha copa D, Chelsea Charms someteuse a tres aumentos de peito. Nas dúas primeiras operacións usou implantes de soro salino que a levaron até unha copa E primeiro e unha HH despois. A terceira operación resultou ser a máis controvertida, xa empregou implantes de polipropileno, que foron posteriormente prohibidos debido aos seus riscos para a saúde. O volume inicial instalado desta fibra foi de 2500 cc, mais debido ao seu funcionamento, irritando os tecidos da mama, a fibra provoca que o peito xere un fluído que fai aumentar o seu temaño de maneira constante, aproximadamnte 25 milímetros por mes. Por mor disto, ten que someterse periodicamente a drenaxes para manter un tamaño estábel.

No ano 2005 presentouse na AVN Adult Entertainment Expo con 10000 cc. por peito. Ao ano seguinte volveu acudir ao mesmo festival cun volume de 11.000 cc. e ao seguinte ano chegou aos 12.000 cc. por mama. Porén, acadou o seu maior tamaño no festival Kamasutrabeurs de Holanda, onde chegou aos 13.600cc (1.85 cm. de contorno).

Segundo Chelsea ten revelado en múltiples entrevistas, cada un dos seus peitos pesa arredor de 18 quilogramos, polo que precisa de facer exercicio diariamente para evitar problemas nas costas, sendo consciente de que nalgún momento da súa vida tera que tiralos.

Carreira

Chelsea publica periodicamente contidos no seu portal de Internet para os seguidores subscritos. Alén diso, apareceu nas portadas das revistas Buxotica, The Score Group, Hustler Busty Beauties e outras revistas para adultos especializadas nas modelos de peitos grandes. Ela tamén figura en multitude de sitios web para adultos e en imaxes de Internet, e é unha das modelos máis destacadas e populares de Photoclubs.com. Ademais, e debido a súa sona mundial, é convidada e diferentes eventos arredor do mundo como os realizados en Nova Zelandia ou Holanda, así como varias xiras polos Estados Unidos.

O artista británico Marc Quinn esculpiu unha estatua a tamaño natural de Chelsea Charms no 2010 co gallo dunha exposición sobre persoas que manipularon o seu corpo.

Véxase tamén

Outros artigos

• Implantes de polipropileno
• Implante mamario

Ligazóns externas

• Páxina oficial
• Twitter de Chelsea Charms
• Chelsea Charms na IMDb (en inglés).