Chicho Sánchez Ferlosio
 | Este artigo contén varias ligazóns externas e/ou bibliografía ao fin da páxina, mais poucas ou ningunha referencia no corpo do texto. Por favor, mellora o artigo introducindo notas ao pé, citando as fontes. Podes ver exemplos de como se fai nestes artigos. |
| Biografía | |
|---|---|
| Nacemento | (es) José Antonio Julio Onésimo Sánchez Ferlosio  8 de abril de 1940 Madrid, España |
| Morte | 1 de xullo de 2003 (63 anos) Madrid, España |
| Lugar de sepultura | Cemiterio de La Almudena |
| Actividade | |
| Campo de traballo | Poesía, letra e música |
| Ocupación | cantautor, artista discográfico, letrista, compositor, poeta, escritor, anarcosindicalista, cantante |
| Xénero artístico | Poesía |
| Familia | |
| Pai | Rafael Sánchez Mazas |
| Irmáns | Rafael Sánchez Ferlosio Miguel Sánchez-Mazas Ferlosio |
    | |
José Antonio Julio Onésimo Sánchez Ferlosio, máis coñecido como Chicho Sánchez Ferlosio, nado en Madrid o 8 de abril de 1940 e finado o 1 de xullo de 2003, foi un cantautor español, autor dun gran número de temas que, moitas veces, non gravou el mesmo aínda que si outros intérpretes, como Rolando Alarcón, Joan Baez, Soledad Bravo, Víctor Jara, Quilapayún ou Joaquín Sabina. Algunhas destas cancións pasaron a formar parte da tradición popular, como Gallo rojo, gallo negro, La hierba de los caminos, La Quinta Brigada ou A la huelga.
Era fillo do escritor e membro fundador de Falange Española Rafael Sánchez Mazas, irmán do escritor Rafael Sánchez Ferlosio e mais do matemático e filósofo Miguel Sánchez-Mazas Ferlosio, ademais de tío do xornalista Máximo Pradera.
Discografía
[editar | editar a fonte]Ferlosio, un prolífico compositor, só gravou unha pequena parte do seu repertorio. A súa discografía oficial inclúe un único LP A contratiempo. Así, as súas cancións son coñecidas polas interpretacións que delas fixeron artistas como Joaquín Sabina, Amancio Prada, Quilapayún e Soledad Bravo.
A súa discografía non oficial, que consta de catro discos gravados como tal e dous extraídos de filmes documentais nos que participou, pódese atopar en formato dixital en Internet. Consta dos seguintes discos:
- Spanska motståndssånger (Cancións da resistencia española). Gravado clandestinamente, Madrid, durante os anos 1963-64.
- Fóra de tempo. 1978 (Dial Discos S.A., ND 5.016), gravado en novembro e decembro de 1977.
- Mientras el cuerpo aguante. Da película do mesmo nome, estreada en 1982, dirixida por Fernando Trueba.
- Versos retrógrados. Single. Desde 1982, gravado por Chicho Sánchez Ferlosio e Rosa Jiménez.
- Romance de Durruti. Da película Durruti, anarquista, 1999 dirixida por Albert Boadella e Jean Louis Comolli.
Homenaxes
[editar | editar a fonte]- Hasta otro día, Chicho Sánchez Ferlosio. 2005, póstumo. Gravado e editado por Amancio Prada.
- Milonga del moro judío, canción composta por Jorge Drexler e incluída no seu disco Eco (2004). Drexler tomou como coro un cuarteto de Sánchez Ferlosio, que glosou en sucesivas décimas: Yo soy un moro judío / que vive con los cristianos, / no sé qué Dios es el mío / ni cuáles son mis hermanos. (Son un mouro xudeu / que convive con cristiáns, / non sei que Deus é o meu / nin quen son os meus irmáns).
Véxase tamén
[editar | editar a fonte]Ligazóns externas
[editar | editar a fonte]- Baúl de Trompetillas
- Canciones de la resistencia española Copia arquivada en Wayback Machine. 1964. Investigación sobre el disco sueco de Chicho Sánchez Ferlosio.
- Chicho Sánchez Ferlosio (Madrid, cinta original B - verano 1963). Contiene las 6 canciones del LP sueco original
- Fotografía de Chicho Sánchez Ferlosio Copia arquivada en Wayback Machine
- Romancero de Durruti
- Canción de todos: Chicho Sánchez Ferlosio Copia arquivada en Wayback Machine
