Cholpon-Ata (en lingua kirguiz: Чолпон-ата, pronunciado [tʃolponɑtɑ́], literalmente Pai de Venus, o nome dun espirito protector mitolóxico) é unha cidade na costa do lago Issyk-Kul, no Kirguizistán cunha poboación que rolda os 12 000 habitantes. É o centro administrativo do Distrito de Issyk Kul da Rexión Issyk Kul; este distrito ocupa a meirande parte da costa do lago. No oeste da cidade atópase Tamchy e no leste Bosteri.
A cidade ten numerosos grandes e pequenos spas, hoteis e pensións para acomodar os moitos visitantes que van ao lago no verán. Durante a era soviética foi unha cidade moi frecuentada por turistas de todas as partes da URSS. Na actualidade, a maioría dos turistas proceden principalmente do Kirguizistán, Kazakhstán e Uzbekistán. Hai un bo museo local e un lugar a ceo aberto que ten 2000 petroglíficos datados dende o 800 AEC até o 1200 EC.[1]
.jpg)
