Cimadevila, Castrofeito, O Pino

Para outras páxinas con títulos homónimos véxase: Cimadevila.

Cimadevila
Casa de Cimadevila ao carón do Camiño Francés
Parroquia	Castrofeito
Concello	O Pino
Coordenadas	42°54′24″N 8°23′50″O
Poboación	34 hab. (2019)
[ editar datos en Wikidata ]

Cimadevila é un lugar da parroquia de Castrofeito, no concello coruñés do Pino, na comarca de Arzúa. Segundo o IGE, en 2019 tiña 34 habitantes (15 homes e 19 mulleres).

Xeografía

Este casarío algo disperso encóntrase dividido entre as parroquias de Castrofeito e de Pereira, aínda que o IGE contabiliza a súa propia poboación para esta última parroquia. A división entre unha e outra parroquia ven determinada pola ladeira do monte da Barreira na que se atopa, unha na bacía do río Brandelos (Pereira) e outra na bacía do rego do Amenal (Castrofeito). Trátase dunha zona rural orientada ao leste cara á plataforma do aeroporto de Santiago-Rosalía de Castro, polo que xusto neste lugar dá comezo unha acusada pendente, e tamén ao carón da N-547, poucos metros despois de ter pasado O Amenal. Como o Camiño Francés a Santiago pasa por esta pequena poboación xusto antes e durante a devandita suba ao aeroporto, tense desenvolvido unha pequena infraestrutura hostaleira neste lugar, especialmente xunto á estrada nacional.

O monte da Barreira de Arriba (que acada os 376 m de altitude), no que as dúas Cimadevilas se estriban na súa cara leste, non só serve de soporte a unha parte fundamental da pista de aterraxe do aeroporto, senón tamén á malograda infraestrutura do Polígono Industrial do Pino, que se ve atravesada polo Camiño tralo seu paso por Cimadevila.

Galería de imaxes

• 
  Negocios ao carón da N-547
• 
  Suba ao monte de Barreira de Arriba