City of Manchester Stadium
| Etihad Stadium | ||||
|---|---|---|---|---|
  Etihad Stadium | ||||
| Tipo | estadio de fútbol, rugby union venue (en)  , rugby league venue (en) e sala de concertos  | |||
| Localización | ||||
| Enderezo | Alan Turing Way, Manchester M11 3JB | |||
| Localización | Manchester, Inglaterra | |||
| ||||
| Estado | Reino Unido | |||
| País | Inglaterra | |||
| Rexións | Noroeste de Inglaterra | |||
| Condado cerimonial | Gran Manchester | |||
| Distrito metropolitano | Manchester (en) | |||
| Construción | ||||
| Fundación | 12 de decembro de 1999 | |||
| Inauguración | 2002 (Como estadio de atletismo) | |||
| Dimensións | ||||
| Capacidade | 55.097 | |||
| Tipo superficie | Desso GrassMaster (Mestura de herba natural e fibra artificial) | |||
| Implicados | ||||
| Propietario(s) | Manchester City Council (en) | |||
| Arquitecto(s) | KSS Design Group (en) e Populous | |||
| Operador(es) | Manchester City | |||
| Ocupante(s) | Manchester City | |||
| Deporte | ||||
| Deporte | fútbol e Rugby league | |||
| Localía | Manchester City Football Club | |||
| Eventos | ||||
| Na rede | ||||
| mancity.com… | ||||
| [ Wikidata ] | ||||
O City of Manchester Stadium, chamado Etihad Stadium dende 2011 por razóns de patrocinio, é un estadio de fútbol da cidade de Manchester, en Inglaterra, con capacidade para 55.097 seareiros, no que disputa como local os seus encontros o Manchester City, un dos clubs máis importantes da Premier League.
O estadio foi deseñado para acoller os Xogos Olímpicos de 2000 que a cidade de Manchester pretendía organizar. Trala derrota da candidatura olímpica, a cidade presentou con éxito a súa candidatura para acoller os Xogos da Commonwealth de 2002. As obras do novo estadio comezaron en 1999, e o 25 de xullo de 2002 foi inaugurado coincidindo coa cerimonia de apertura dos campionatos. Tralo remate dos xogos o estadio de atletismo comezou a ser reformado para transformarse nun estadio de fútbol, retirando as pistas de atletismo e baixando uns metros o nivel do terreo de xogo para engadir un novo anel que aumentou a capacidade do estadio en case 7.000 asentos, pasando de 41.000 a 47.726. O Manchester City mudouse do seu antigo fogar, o estadio Maine Road, á súa nova residencia ó comezo da tempada 2003-04. Dende entón o club acadou dous títulos de liga en 2011-12 e 2013-14. En 2014 a capacidade do recinto aumentou de novo tralas reformas dun dos fondos do estadio, pasando de 47.405 a 55.097 asentos.
Ademais dos Xogos da Commonwealth de 2002, o estadio ten acollido eventos deportivos importantes como a final da Copa da UEFA de 2008, e foi seleccionada como unha das 13 sedes da Copa do Mundo de Rugby 2015.
Véxase tamén
[editar | editar a fonte]Ligazóns externas
[editar | editar a fonte]- Páxina web oficial do Manchester City (en inglés)
- Información sobre o City of Manchester Stadium na web oficial da Rugby World Cup (en inglés)
