Club Baloncesto Rosalía de Castro
![]() | Este artigo (ou sección) está desactualizado(a). A información fornecida mudou ou é insuficiente. |
Beirasar Rosalía | |
![]() | |
Información xeral | |
---|---|
Liga | Liga EBA |
Fundación | 1990 |
Historia | C.B.I. Rosalía de Castro (dende 1990) |
Cores | Azul e branco |
Adestrador | César Iglesias |
Patrocinador | Beirasar |
Localización | |
Cidade | ![]() |
Pavillón | Pavillón do Instituto Rosalía de Castro (1.000) |
O Club Baloncesto Rosalía de Castro ou Beirasar Rosalía por cuestións de patrocinio é un club de baloncesto da cidade de Santiago de Compostela. Xoga na liga EBA do baloncesto español e disputa os seus partidos como local no Pavillón do Instituto Rosalía de Castro da capital galega.
Historia[editar | editar a fonte]
O club nace a través dunha iniciativa dun grupo de empresarios galegos, encabezados por Enrique Suárez, que a proposta de Ubaldo Rueda, deciden crear este novo Club en 1990.
Nun primeiro momento créase un equipo xuvenil e outro cadete, aumentando, co paso dos anos, o número de participantes e colaboradores. Finalmente, en 1995 inscribiuse o primeiro equipo profesional na categoría de Primeira Nacional.
O Club seguiría medrando ao amparo do Instituto Rosalia da capital galega, onde cada vez o número de persoas pertencentes ao Club aumentaba, cun equipo en Primeira Nacional durante os anos 1995, 1996, 1997 e 1998, conseguindo ese último ano o ascenso á Liga EBA.
Xa no ano 1999, o equipo profesional daría un salto importante de calidade, xa que fora invitado á participar na Liga LEB (actual LEB Ouro). Durante a estancia nesta liga (anos 1999, 2000, 2001, 2002 e 2003) a cidade tivo a oportunidade de dispoñer dun equipo na elite.
Na primeira tempada do equipo colexial na LEB non puido conseguir máis que seis vitorias en 30 encontros que levaron ao Rosalía á derradeira posición da liga, mais conseguiu manter a categoría grazas á reestruturación que sufriu a competición ese verán. O equipo estivo dirixido primeiro por Eduardo Lada, que acabou sendo substituído por José Ángel Rivera, Mozan, quen ao final da tempada mostrouse moi crítico cos seus xogadores. Finalmente Mozan abandonou o posto por motivos de saúde pouco despois de iniciar a tempada 2001-02.[1]
Nun fatídico play-out en xuño de 2003 o equipo rematarou por descender á LEB 2.
A etapa na LEB 2 foi de ledicia e desesperación. O equipo desfrutou na tempada 2002-03 cun 3º posto que o levaría a estar a piques de ascender ou desesperación coma nos anos 2004-05 onde tan só acadou a permanencia, ou no ano 2005-06 onde quedou ás portas do play off. Mais na tempada 2006-07 o equipo quedou campión de liga e acadou o ascenso á LEB Ouro. Logo de finalizar a liga regular na segunda posición da táboa por detrás do Ciudad de La Laguna Canarias con 22 vitorias e 12 empates, o equipo compostelán logrou impoñerse nos play-offs a Provincia de Palencia nos cuartos (3-0), COB en semifinais (3-0) e Ciudad de La Laguna Canarias por 69-81 na final.[2][3]
A tempada 2007-08 foi o reencontro do club coa LEB, agora LEB Ouro, categoría da que foi un dos fundadores. Será unha liga ben lembrada en Compostela por seren catro anos anceiada e por manter un grupo cun carácter especial que viña de ascender, porén e por ser a primeira vez que o club se clasificaba para xogar uns play-off, mercede a un traballado oitavo posto na fase regular. Houbo momentos doces, facendo o mellor inicio da liga con cinco vitorias consecutivas ou gañando o derby co Breogán en Lugo, e outros máis duros de lesións, de duras derrotas e inxustizas.
Na tempada 2008-09 o equipo acada unha 18ª posición que o leva a descender á LEB Prata.
Cadro 2009-10[editar | editar a fonte]
- Víctor Rodríguez de la Fuente
Manu Ferreiro Somoza
Erik Kangas
Pablo Posse Quintáns
José Luis Merino Lozano
Anthony Veeren
Adrian Dwight Joseph
Antonio Pantín Peleteiro
Rogelio Legasa Pérez
Francisco Rodríguez Trigo
Traxectoria[editar | editar a fonte]
Tempada | 1997-98 | 1998-99 | 1999-00 | 2000-01 | 2001-02 | 2002-03 | 2003-04 | 2004-05 | 2005-06 | 2006-07 | 2007-08 | 2008-09 | 2009-10 |
---|---|---|---|---|---|---|---|---|---|---|---|---|---|
Liga | 2ª División M. | EBA | LEB | LEB | LEB | LEB | LEB Prata | LEB Prata | LEB Prata | LEB Prata | LEB Ouro | LEB Ouro | LEB Prata |
Posto | - | 8 | 16 | 13 | 13 | 16 | 4 | 14 | 9 | 1 | 8 | 18 | 15 |
Indícanse con fondo de cor verde as tempadas nas que houbo ascenso de categoría e en cor vermella aquelas nas que se descendeu.
Notas[editar | editar a fonte]
- ↑ "Rosalía y la LEB, una relación de amor y odio con final abierto". El Correo Gallego (en castelán). 2 de maio de 2007. Arquivado dende o orixinal o 02 de setembro de 2021. Consultado o 2 de setembro de 2021.
- ↑ "Resultados y Clasificaciones LEB 2 2006/2007" (en castelán). Federación Española de Baloncesto. Consultado o 2 de setembro de 2021.
- ↑ "Series LEB 2 2006/2007" (en castelán). Federación Española de Baloncesto. Consultado o 2 de setembro de 2021.