En 2005 fundouse a Unión Sociedad Deportiva O Grove pola fusión dos dous clubs do concello, o SD Anduriña (1919-95) e o CD Grove (1960-05). Comezou xogando na Rexional Preferente. Acadou dúas ligas de Primeira Autonómica e a Copa Deputación de Pontevedra. O 3 de xullo de 2024, durante a asemblea xeral extraordinaria o club mudou o seu nome polo de Club Deportivo Grove, recuperando así a súa antiga denominación co apoio da maioría das persoas socias do club que asistiron á asemblea.[1]
