Colectivo Libertario Arco da Vella
| Colectivo Libertario Arco da Vella | |
|---|---|
| Tipo | colectivo |
| Ideoloxía | comunismo libertario |
| Data de fundación | 1979 |
| Sede | Santiago de Compostela |
| País | Galicia |
| [ editar datos en Wikidata ] | |
O Colectivo Libertario Arco da Vella foi unha organización anarcocomunista de ámbito galego fundada en 1979[1]. Participou nas negociacións para a formación do Bloque Nacionalista Galego en 1982, chegando asistir á súa I Asemblea Nacional fundacional no Frontón de Riazor, na Coruña. Finalmente decidiu abandonar como consecuencia do nome elixido[2].
A comezos dos 80 publicou en Santiago de Compostela catro números da revista Arco da Vella, escrita integramente en lingua galega e que contou cunha tirada de 1000 exemplares, con depósito legal. Tiña unha liña claramente anarcocomunista, libertaria, galeguista e pro-CNT e nela se trataban temas como a identidade galega ou o antimilitarismo[3].
É citada en diversos foros e publicacións como organización anarcoindependentista xunto con outras como a que sería a súa homóloga en Euskadi, Askatasuna. Unha das súas militantes de máis relevancia sería Rosa Bassave[1], colaboradora na revista homónima así como en A Nosa Terra.
Notas
[editar | editar a fonte]- ↑ 1,0 1,1 "Finou Rosa Bassave Roibal". Proxecto Universitario Nomes e Voces. Arquivado dende o orixinal o 11-03-2016. Consultado o 10-03-2016.
- ↑ Paola Obellerio. El País (29 de setembro de 2007). "La travesía política del Bloque". Consultado o 10-03-2016.
- ↑ "ARCO DA VELLA (PENSAMENTO LIBERTARIO GALEGO) 1". ultragrafico.expoplanetarium.net. Arquivado dende o orixinal o 11-03-2016. Consultado o 10-03-2016.