Concello de Laholm

Concello de Laholm
	Brasón
Localización
	56°31′00″N 13°02′00″L / 56.5167, 13.0333
Estado	Suecia
Condado	condado de Halland
Capital	Laholm (pt)
Poboación
Poboación	26.595 (2024) (27,61 hab./km²)
Xeografía
Parte de	Halland ; Q31883951 (–1974); Q61546070 (1975–)
Superficie	963,39 km²
Altitude	50 m
Comparte fronteira con	Halmstad (municipio) ; Örkelljunga (municipio) ; Concello de Markaryd ; Ängelholm (comuna) (pt) ; Båstad (municipio) ; Concello de Ljungby
Datos históricos
Precedido por	Hishult municipality (en) , Q10544128 , Knäred municipality (en) , Q10553375 , Q10553378 , Q10658460 , Q10713642 e Q10718957
Creación	1 de xaneiro de 1971
Sitio web	laholm.se

Laholm é un concello sueco (kommun) do condado de Halland.^[1] A súa capital é Laholm. No ano 2024 o concello tiña unha poboación de 26 595 habitantes.^[2]

A parte sur do concello está dominada polo macizo tectónico Hallandsåsen, e a costa ao longo da baía de Laholm pola maior praia de Suecia. Bosques de coníferas e extensas turbeiras dominan a chaira de Laholm, que cara ao leste conduce a unha paisaxe lixeiramente montañosa.

A industria manufactureira empregaba a pouco menos dunha quinta parte da poboación activa a principios da década de 2020. A segunda industria era do concello era a agricultura.

Historia administrativa

A área do concello correspóndese coa das parroquias de Hasslöv, Hishult, Knäred, Laholm, Ränneslöv, Skummeslöv, Tjärby, Veinge, Våxtorp e Ysby. Coa reforma municipal de 1862 formáronse nesas parroquias concellos rurais co mesmo nome. Na zona estaba tamén a cidade de Laholm que en 1863 converteuse nun concello da cidade (stadskommun).

Coa reforma municipal de 1952 creáronse varios grandes concellos: Karup (a partir dos anteriores municipios de Hasslöv, Skummeslöv e Östra Karup), Ränneslöv (de Ränneslöv e Ysby) e Veinge (de Tjärby e Veinge). A cidade de Laholm e os concellos rurais de Hishult, Knäred, Laholm e Våxtorp permaneceron inalterados.

O actual concello de Laholm naceu coa reforma de 1971 a partir da cidade de Laholm, os concellos rurais de Laholm e Våxtorps, e partes do municipio rural de Karup (as parroquias de Hasslöv e Skummeslöv). En 1974 incorporáronse os municipios de Hishult, Knäred, Ränneslöv e Veinge.^[3]

Xeografía

O concello atópase no sur do landskap de Halland. O río Lagan flúe a través del en dirección leste-oeste. Desemboca na baía de Laholm no Kattegatt.

Laholm limita ao norte co concello de Halmstad no condado de Halland, ao leste cos concellos de Ljungby e Markaryd no condado de Kronoberg, e ao sur cos concellos de Örkelljunga, Ängelholm e Båstad no condado de Escania.

Notas

↑ "Län och kommuner i kodnummerordning". web.archive.org. 2017-05-05. Archived from the original on 05 de maio de 2017. Consultado o 2022-10-07.
↑ "Folkmängd och befolkningsförändringar - Kvartal 4, 2024". Statistikmyndigheten SCB (en sueco). Consultado o 2025-03-01.
↑ Andersson, Per (1993). Sveriges kommunindelning 1863-1993. Mjölby: Draking. ISBN 978-91-87784-05-7.

[1] "Län och kommuner i kodnummerordning". web.archive.org. 2017-05-05. Archived from the original on 05 de maio de 2017. Consultado o 2022-10-07.

[2] "Folkmängd och befolkningsförändringar - Kvartal 4, 2024". Statistikmyndigheten SCB (en sueco). Consultado o 2025-03-01.

[3] Andersson, Per (1993). Sveriges kommunindelning 1863-1993. Mjölby: Draking. ISBN 978-91-87784-05-7.

[1]

[2]

[3]