Conrad Keely
 (2013)  | |
| Biografía | |
|---|---|
| Nacemento | 15 de maio de 1972 (52 anos) Inglaterra, Reino Unido |
| Educación | Evergreen State College |
| Actividade | |
| Ocupación | cantante |
| Período de actividade | 1994 - |
| Instrumento | Voz e guitarra |
| Selo discográfico | Merge Records |
| Sitio web | conradkeely.com |
      | |
Conrad Keely, nado o 15 de maio de 1972, é un músico, artista e escritor coñecido principalmente por ser o vocalista principal da banda de rock alternativo estadounidense ...And You Will Know Us by the Trail of Dead.
Biografía
[editar | editar a fonte]Keely naceu o 15 de maio de 1972 en Nuneaton, Warwickshire (Inglaterra)[1] de ascendencia irlandesa e tailandesa.[2] Medrou na cidade veciña de Bedworth antes de que el e a súa nai se mudaran ao estado estadounidense de Hawai cando tiña cinco anos.[1] A familia regresou a Bedworth cando el tiña oito anos e viviu alí tres anos ata que regresou aos Estados Unidos.[3] En 1988, mentres aínda estaba no instituto en Oahu, Keely coñeceu a Jason Reece, co cal formaría posteriormente ...And You Will Know Us by the Trail of Dead. No ano seguinte Keely mudouse coa súa nai a Olympia, Washington, onde estudou en The Evergreen State College. Reece uniuse a Keely en Washington pouco despois e os dous intentaron formar bandas na escena musical underground de Olympia.[4] Ao conseguir pouco éxito, en 1994 Keely e Reece mudáronse a Austin, Texas para formar grupos.[2] Antes de fichar por Interscope Records con ...And You Will Know Us by the Trail of Dead, Keely traballou principalmente de contable en oficinas de Austin mentres tocaba coa banda pola noite.
En 2008 Keely mudouse de Austin a Brooklyn, New York,[2] e en 2012 foi vivir a Phnom Penh, Camboxa,[5] "farto da vida estadounidense".[6] Keely visitou o país mentres viaxaba co seu pai despois dunha xira australiana de ...And You Will Know Us by the Trail of Dead e decidiu quedar.[6] Keely xa expresara o seu cansazo polos Estados Unidos e o seu desexo de musarse ao estranxeiro no ano 2003. Desde que se trasladou a Cambodia, viaxou por todo o país, actuando como parte dun intercambio cultural. Aínda que Keely non fala cambadés, di que o país é "un lugar ruidoso cheo de sons estraños: templos, monxes cantando, altofalantes a tope, vendedores e vendedores de ovos. Necesito ese caos, e creo que axuda que estea nunha lingua que non entendo".[5] Aínda que Keely medrou principalmente nos Estados Unidos, ten nacionalidade irlandesa.[6] Keely regresou a Austin, Texas en 2018 para conservar a súa tarxeta de residente permanente.[7]
Notas
[editar | editar a fonte]- ↑ 1,0 1,1 "Trail Of Dead to play Birmingham Academy". www.expressandstar.com (en inglés). 2011-03-31. Consultado o 2025-02-14.
- ↑ 2,0 2,1 2,2 "Trail Of Dead - Orlando Sentinel". archive.ph. 2013-09-15. Arquivado dende o orixinal o 15 de setembro de 2013. Consultado o 2025-02-14.
- ↑ "TLOBF Interview: Conrad Keely from ...And You Will Know Us By The Trail Of Dead". The Line of Best Fit (en inglés). Consultado o 2025-02-14.
- ↑ Niesel, Jeff. "A Sign of the Times: ...And You Will Know Us by the Trail of Dead delves into world affairs". Cleveland Scene (en inglés). Consultado o 2025-02-14.
- ↑ 5,0 5,1 "Interview: Conrad Keely from …And You Will Know Us By The Trail Of Dead". Echoes And Dust (en inglés). 2015-07-28. Consultado o 2025-02-14.
- ↑ 6,0 6,1 6,2 entertaim.net (2012-10-25). "Trail Of Dead / Cambodia on my mind" (en alemán). Consultado o 2025-02-14.
- ↑ "Trail of Dead’s Conrad Keely on Leaving Cambodia and the Band’s First LP in 6 Years". FLOOD (en inglés). Consultado o 2025-02-15.
