Copa das Rexións da UEFA

Copa das Rexións da UEFA
Tipo	copa internacional de clubs de fútbol
Organizador	UEFA
Número de participantes	38
Localización e Datas
Vixencia	1996 –
Período de ocorrencia	2
Outro
Páxina web oficial	uefa.com…

A Copa das Rexións da UEFA é unha competición de fútbol organizada pola UEFA na que toman parte seleccións rexionais de Europa integradas por xogadores non profesionais. Foi creada en 1998 tomando a substitución da extinta Copa da UEFA Amateur. A selección galega de afeccionados é a vixente campioa do torneo.

Formato de competición

Roldas previas estatais: cada federación disputa as eliminatorias coas súas rexións.
Fase previa: 8 equipos dividos en 2 grupos de 4 equipos. Choques a partido único. Clasifícanse os gañadores de grupo (2 equipos). Cada grupo xógase nunha sede fixa.
Primeira fase: 32 equipos dividos en 8 grupos de 4 equipos. Choques a partido único. Clasifícanse os gañadores de grupo (8 equipos). Cada grupo xógase nunha sede fixa.
Fase intermedia: desaparecida no formato actual.
Segunda fase: 8 equipos dividos en 2 grupos de 4 equipos. Choques a partido único. Clasifícanse os gañadores de grupo (2 equipos). Os dous grupos e a final xóganse na mesma sede.
Final: A partido único.

Palmarés

Ano	Sede	Campión	Subcampión	Resultado
1999	Abano Terme	Véneto	Madrid	3-2
2001	Zlín	Moravia	Braga	2-2 (4-2)
2003	Heidenheim	Piemonte	Ligue du Maine	2-1
2005	Proszowice	País Vasco	Sueste de Sofia	1-0
2007	Sliven	Baixa Silesia	Rexión Sueste	2-1
2009	Zapresic	Castela e León	Oltenia	2-1
2011	Minho-Lima	Braga	Leinster e Munster	2-1
2013	Abano Terme	Véneto	Cataluña	0-0 (5-4 p.)
2015	Dublín	Rexión Oriental	Condado de Zagreb	1-0
2017	Istambul	Condado de Zagreb	Rexión Oriental	1-0
2019	Baviera	Baixa Silesia	Baviera	3-2
2021	Cancelado por mor da pandemia de COVID-19^[1]
2023	Vilagarcía de Arousa	Galicia	Belgrado	3-1