A tempada 2009-2010 da Heineken Cup foi a 15ª edición da máxima competición continental do rugby europeo. Coma nos últimos anos, 24 foron os equipos participantes, divididos en 6 grupos de 4, para afrontar a primeira fase da competición, a fase de grupos. Tralas 6 xornadas correspondentes a esta primeira fase, chegaron os cuartos de final e semifinais, a partido único, e a final. A primeira xornada foi o día 9 de outubro do 2009, e a gran final foi 22 de maio do 2010, no Stade de France de París.
O equipo que defendía o título obtido na tempada anterior era Leinster Rugby, que desta vez só puido chegar ás semifinais, caendo ante o novo campión, o Stade Toulousain.
Esta tempada Francia achegou 6 equipos ó torneo, Inglaterra 7, Gales 4, Irlanda 3, Escocia 2 e Italia 2.
Ó remate da fase de grupos, os 6 equipos clasificados en primeiro lugar pasaron directamente á fase de cuartos de final, así coma os 2 mellores equipos restantes. Stade Toulousain logrou por 4º vez coroarse como Campión de Europa.
.svg){kind=small}
