Cordilleira Verkhoiansk

Cordilleira Verkhoiansk
Tipo	cordilleira
Localización
Continente	Asia
División administrativa	República de Sakha, Rusia
	67°N 129°L / 67, 129
Cordilleira	Eastern Siberian Bergland (en)
Características
Altitude	2.409 m
Dimensións	1.200 () km ;
Punto máis alto	Mus-Khaya (en) (2.959 m )
Material usado	Rocha metamórfica
Historia
Período de tempo	Cretáceo

A cordilleira Verkhoiansk (en ruso: Верхоянский хребет; Verkhoianskii khrebet; en iacut: Үөһээ Дьааҥы сис хайата, Üöhee Caañı sis xayata), é unha cadea monstañosa de máis de 1200 km de lonxitude situada no norte de Rusia, a ambos os lados do círculo polar ártico e no centro da Siberia Oriental.

Administrativamente, pertence á república de Sakha da Federación de Rusia.

Xeografía

Este macizo forma un grande arco de 1200 km entre os ríos Lena e Aldan no oeste e o río Iana no leste. NA cordilleira nacen moitos ríos: na vertente oriental, Sartang, Durgalach, Yana, Bytantaj e Omoloi e na vertente occidental, ríos máis curtos que verten case todos ao Lena e ao Aldan.

O punto culminante elévase no sur ata os 2049 m. O asentamento máis importante da rexión é Verkhoiansk, na beira do río Iana. Augas abaixo deste río atópase outro poboado, Batagaj.

Na rexión hai xacementos de carbón, prata, chumbo e zinc. A cordilleira está situada xusto ao oeste da unión entre a placa eurasiática e a placa norteamericana.^[1]

Clima e flora

As temperaturas máis baixas en lugares habitados foron rexistradas nesta rexión, que adoita permanecer cuberta baixo un profundo manto de neve a maior parte do ano. Durante a última glaciación, a cordilleira tiña extensos glaciares. A paisaxe no verán é o típico das montañas alpinas.

A cordilleira é o fogar da tundra alpina, con varias especies de musgos e liques.^[2] Atópanse algúns bosques esparexidos principalmente de lárices e Pinus pumila.^[3]

Galería de imaxes

Vista da cordilleira
Riscos abruptos
Área con montes suaves e concas entre as montañas

Notas

↑ News Archive - The Earth Institute at Columbia University
↑ "Verkhoyansk Mountains". Encyclopædia Britannica. Encyclopædia Britannica, Inc. Consultado o 11 de abril de 2017.
↑ Verkhoyansk Range // Great Soviet Encyclopedia: [in 30 vols.] / Ch. ed. A.M. Prokhorov. - 3rd ed. - M. Soviet Encyclopedia, 1969-1978.

Véxase tamén

Ligazóns externas

[1] News Archive - The Earth Institute at Columbia University

[britannica-2] "Verkhoyansk Mountains". Encyclopædia Britannica. Encyclopædia Britannica, Inc. Consultado o 11 de abril de 2017.

[ЭСБЕ-3] Verkhoyansk Range // Great Soviet Encyclopedia: [in 30 vols.] / Ch. ed. A.M. Prokhorov. - 3rd ed. - M. Soviet Encyclopedia, 1969-1978.

[1]

[2]

[3]