Darío Álvarez Limeses

Darío Álvarez Limeses
	;
Biografía
Nacemento	10 de novembro de 1877 ; Pontevedra, España
Morte	30 de outubro de 1936 (58 anos); Tui, España
Causa da morte	pena de morte, ferida por arma de fogo
Educación	Universidade de Santiago de Compostela
Actividade
Ocupación	xornalista, médico
Familia
Cónxuxe	María Blázquez Ballester
Fillos	Darío Álvarez Blázquez, Xosé María Álvarez Blázquez, Emilio Álvarez Blázquez, Álvaro Álvarez Blázquez
Pai	Emilio Álvarez Giménez
Irmáns	Xerardo Álvarez Limeses; José Álvarez Limeses

Darío Álvarez Limeses, nado en Pontevedra o 10 de novembro de 1877 e finado en Tui o 30 de outubro de 1936, foi un médico e xornalista galego.

Traxectoria

Fillo de Emilio Álvarez Giménez e irmán de Xerardo Álvarez Limeses, licenciado en Medicina pola Universidade de Santiago de Compostela, afincouse en Tui como médico en 1905. Alí, paralelamente ao seu labor asistencial exerceu un traballo xornalístico, social e político: Colaborou e presidiu diferentes sociedade culturais coma a Sociedade Artística ou a Venatoria; dirixiu o semanario La Opinión e colaborou nos periódicos La Integridad, El Vencejo, La Correspondencia Gallega e El Pueblo Gallego. Casou con María Blázquez Ballester o 15 de xuño de 1907 coa que tivo seis fillos, todos homes: Darío (1910), Celso (1913), Xosé María (1915), Alfonso (1917), Emilio (1919) e Álvaro (1921).

Na Segunda República foi membro da Izquierda Republicana. Co golpe de Estado do 18 de xullo de 1936 foi parte activa da resistencia miñota, foi encarcerado e posteriormente fusilado na alameda tudense o 30 de outubro de 1936.

Arriba de esq. a der.: Darío Álvarez Limeses, Emilio Álvarez Giménez e Xerardo Álvarez Limeses. Abaixo de e. a d.: María Álvarez Limeses (muller de Celso García de la Riega), Carmen Álvarez Limeses (muller de José Buela), Amalia Limeses Iglesias (muller de Emilio), o neno Xosé Álvarez Limeses e María Gallego Martínez (muller de Xerardo).^[2]
Familia Álvarez Blázquez. De esq. a der.: Celso, o pai Darío, Darío, a nai María, Álvaro, Alfonso, Emilio e Xosé María de pé.^[2]