David Pobra

David Pobra
	;
Biografía
Nacemento	14 de febreiro de 1981 (44 anos); A Pobra do Caramiñal, España
Actividade
Ocupación	mestre

David Pérez González, nado na Pobra do Caramiñal o 14 de febreiro de 1981, é un escritor galego.

Traxectoria

Licenciado en Filoloxía galega e Filoloxía hispánica na Universidade de Santiago de Compostela, e cun Diploma de Estudos Avanzados no departamento de Teoría da Literatura e Literatura Comparada. Na actualidade exerce como profesor de lingua e literatura no ensino secundario. Exerceu tamén como lector de lingua galega na Universidade de Granada. Traballou eventualmente en diversas montaxes de teatro. Publicou artigos xornalísticos e recensións críticas en Vieiros e Grial. Formou parte do consello de redacción da revista Dorna, e foi membro da editorial alternativa Estaleiro Editora.

Obras

Poesía

Poesía primeira de amor desamor e arrefriado, 2009, Xunta de Galicia.

Narrativa

Liña azul, 2014, Xerais.
Línea azul, 2016, Pulp Books.

Obras colectivas

Contos en Viana, 2003, Xunta de Galicia e Concello da Pobra.
Letra en Obras, 2011, Letra en Obras. Edición de libre descarga en Internet.
Vivir un soño repetido. Homenaxe a Lois Pereiro, 2011, Asociación de Escritores en Lingua Galega, libro electrónico.

Premios

Gañador no Certame GZ Crea de poesía no 2008, por Poesía primeira de amor desamor e arrefriado.
Gañador do Certame Xuventude Crea de poesía no 2009, por Poesía segunda de amor desamor e sinusite.
Gañador do Certame de novela curta Cidade Centenaria de Ribeira no 2013, por Liña azul.