Declaración dos Dereitos do Neno
A Declaración dos Dereitos do Neno foi deseñada por Eglantyne Jebb e adoptada pola International Save the Children Union, Xenebra, o 23 de febreiro en 1923 e apoiada pola Asemblea Xeral da Sociedade das Nacións o 26 de novembro de 1924.
Historia
[editar | editar a fonte]A través desta declaración, coñecida comunmente como Declaración de Xenebra, homes e mulleres de todas as nacións, recoñecendo que os nenos son o mellor que a humanidade ten, declara e acepta como o seu deber, máis alá de toda consideración de raza, nacionalidade ou credo, que:
- Ao neno débeselle dar os medios necesarios para o seu desenvolvemento normal, material e espiritual.
- O neno famento debe ser alimentado, o neno enfermo debe ser curado, o neno maltratado debe ser protexido, o neno explotado debe ser socorrido, o neno orfo e abandonado debe ser acollido.
- O neno debe ser o primeiro en recibir auxilio en caso dun desastre.
- O neno debe ter sustento, e ser protexido contra todo tipo de explotación.
- O neno debe ser levado a concienciarse de ser devoto ao servizo do home.
O documento orixinal, nos arquivos da cidade de Xenebra, leva a firma de varios delegados internacionais, entre eles Eglantyne Jebb, Janusz Korczak, e Gustave Ador, expresidente da Confederación Suíza.
As Organización das Nacións Unidas adoptou unha versión lixeiramente emendada en 1946 e o 20 de novembro de 1959 a Asemblea Xeral das Nacións Unidas adoptou unha versión expandida como a súa propia Declaración dos Dereitos do Neno.
Texto de 1959
[editar | editar a fonte]A Declaración aprobada en 1959 consta de 10 artigos sendo o seu contido fundamentalmente o seguinte:
| Dereito | |
|---|---|
| Non discriminación por motivos de raza, cor, sexo, idioma, relixión, opinión, políticas ou doutra índole, orixe nacional ou social, posición económica, nacemento ou outra condición | |
| O neno gozará dunha protección especial | |
| Dereito ao nome e á nacionalidade desde o nacemento | |
| Dereito aos beneficios da Seguridade Social | |
| Os nenos impedidos física ou mentalmente recibirán os coidados e axudas que precisen | |
| O neno precisa amor e comprensión, e non debe ser afastado da súa nai, salvo circunstancias excepcionais | |
| Dereito á educación gratuíta e obrigatoria nas etapas elementais | |
| Prioridade do neno en obter protección e socorro | |
| Protección contra toda forma de crueldade, abandono e explotación. | |
| Protección contra a discriminación racial, relixiosa ou doutra índole. |
