Diplodoco
| Diplodoco Rango fósil: Xurásico superior | |||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 Esqueleto montado de D. carnegii | |||||||||||||||||||||||||
| Clasificación científica | |||||||||||||||||||||||||
| |||||||||||||||||||||||||
| Especies | |||||||||||||||||||||||||
| |||||||||||||||||||||||||
| Sinonimia | |||||||||||||||||||||||||
| |||||||||||||||||||||||||
Diplodoco[1] é o nome co que se coñecen as especies pertencentes ao xénero Diplodocus,[2] dinosauros da familia dos diplodócidos, que viviron a finais do período Xurásico, hai aproximadamente de 150 a 147 millóns de anos no que hoxe é Norteamérica.
Características
[editar | editar a fonte]Eran uns dinosauros enormes, que se contan entre os maiores animais terrestres que existiron na Terra, pois medían entre 27 e 45 m e chegaban a pesar entre 30 e 50 t, aínda que saurópodos posteriores do Cretáceo, como o Argentinosaurus, os superaban, sobre todo no peso.
Os fósiles de Diplodocus encontráronse no oeste dos Estados Unidos de América (Colorado, Montana, Utah e Wyoming).
Os primeiros restos foron descubertos en 1877 por Samuel Wendell Williston, que os denominou Diplodocus ("os de dupla viga") en referencia á forma das vértebras da parte inferior da cola. Pensouse que estes ósos eran exclusivos dos Diplodocus, porén, acháronse tamén noutros membros da familia dos diplodócidos e en sauropódos non diplodócidos, como Mamenchisaurus.
Tiñan un pescozo e un rabo moi longos, cun corpo baixo, e camiñaba sobre as catro patas. A pesar do seu gran tamaño, tiñan unha cabeza moi pequena, con dentes así mesmo moi pequenos.
É probábel que pastaran nas grandes chairas de felgos e cicadáceas da súa época, chegando a consumir tamén as árbores de baixa altura, xa que non podía subir moito o seu pescozo.
Especies
[editar | editar a fonte]- Diplodocus longus Marsh (especie tipo)
- Diplodocus carnegiei Hatcher, 1901
- Diplodocus hallorum (Gillette, 1991) Lucas et al., 2004
- Diplodocus hayi Holland, 1924
Notas
[editar | editar a fonte]- ↑ Definicións no Dicionario da Real Academia Galega e no Portal das Palabras para diplodoco.
- ↑ Do grego διπλός diplós "duplo, dupla" e δοκός dokós "trabe" é dicir, viga dupla". (Liddell & Scott (1980): Greek-English Lexicon, Abridged Edition. Oxford University Press, Oxford, UK. ISBN 0-19-910207-4.)
Véxase tamén
[editar | editar a fonte]Ligazóns externas
[editar | editar a fonte]- Diplodocus (en inglés)
- Diplodocus fossil picture (en inglés)
