Saltar ao contido

Dolores Huerta

Na Galipedia, a Wikipedia en galego.
Modelo:BiografíaDolores Huerta

(2017) Editar o valor en Wikidata
Biografía
Nacemento(es) Fernán Editar o valor en Wikidata
10 de abril de 1930 Editar o valor en Wikidata (94 anos)
Dawson, Estados Unidos de América Editar o valor en Wikidata
EducaciónSan Joaquin Delta College (en) Traducir
University of the Pacific (en) Traducir
Stockton High School (en) Traducir Editar o valor en Wikidata
Actividade
Ocupaciónsindicalista, activista Editar o valor en Wikidata
Membro de
Participou en
Global Conference 2021 (en) Traducir Editar o valor en Wikidata
Premios
Descrito pola fonteLatinas in the United States: A Historical Encyclopedia (en) Traducir Editar o valor en Wikidata
IMDB: nm0400088 Twitter: doloreshuerta LinkedIn: dolores-huerta-7995a369 TED: dolores_huerta Editar o valor en Wikidata

Dolores Clara Fernández Huerta, nada en Dawson o 10 de abril de 1930, é unha activista polos dereitos civís e líder sindical estadounidense, cofundadora da Asociación Nacional de Campesiños, que máis tarde se xuntou co Sindicato Xeral de Campesiños (United Farm Workers). Huerta recibiu numerosos premios polo seu servizo comunitario e pola súa defensa dos dereitos dos traballadores, dos emigrantes e das mulleres, incluídos o Premio de Excelencia Eugene V. Debs, o Premio de Dereitos Humanos Eleanor Roosevelt[1] e a Medalla Presidencial da Liberdade.

Inspiración para a comunidade latina dos Estados Unidos, Dolores Huerta é tema de moitos murais.

Traxectoria

[editar | editar a fonte]

Huerta naceu en Novo México, filla de Juan Fernández (mineiro e campesiño) e Alicia Chávez. Foi a segunda filla, e única nena do matrimonio, que se divorciou cando ela tiña tres anos de idade. Alicia criou a Dolores e os seus dous irmáns na rexión central de California, na comunidade rural de Stockton. Nunha entrevista, Huerta declarou: "A principal persoa na miña vida foi a maiña mai. Ela era unha muller intelixente e moi xentil".

O activismo comunitario de Huerta comezou cando era estudante na Stockton High School. Participou en varios clubs da escola e foi unha dedicada girl scout até os 18 anos. Deseguido pasou ao Stockton College da Universidade do Pacífico (que máis tarde se tornou no San Joaquin Delta Community College), onde se formou en pedagoxía.[2] Despois de estudar gramática, Huerta decidiu dedicarse profesionalmente ao activismo:

Eu non podía tolerar ver os nenos e nenas chegar á aula con fame e precisando zapatos. Pensei que eu seria mais útil organizando os traballadores rurais que tentando dar clases aos seus fillos famentos.
Dolores Huerta nun acto en Santa Bárbara, o 24 de setembro de 2006.

En 1955, Dolores Huerta comezou oficialmente a súa carreira como activista, axudando a Frank Ross a iniciar e fundar o Capítulo de Stockton da Organización de Servizos Comunitarios, que loitba por melloras económicas para os latinos.[3] En 1960, foi cofundadora da ASociación dos Traballadores Agrícolas que fixo presión aos gobernos locais para obter melloras en barrios agrícolas.[4][5] En 1962, cofundou con César Chávez a Asociación Nacional dos Campesiños, que máis tarde se converteu na Comisión Organizadora da Unión dos Traballadores do Campo. Máis tarde participou da Union Farm Workers.

O 5 de xuño de 1968, Huerta ficou ao lado de Robert F. Kennedy nos Ánxeles cando fixo o discurso sobre a súa vitoria electoral. Momentos após a fin do discurso houbo un tiroteo e cinco persoas recibiron disparos, incluído Kennedy, que morreu polas súas feridas o 6 de xuño.

Huerta é presidenta da Fundación Dolores Huerta, que ela fundou en 2002.[6] Dolores Huerta é unha organización 501(c)(3) "para o beneficio da organización popular da comunidade, atraendo e desenvolvendo líderes naturais.[7]

Homenaxes

[editar | editar a fonte]

En 1997, Dolores Huerta foi nomeada como unha das tres mulleres máis importantes do ano pola revista Ms..[8] En 1998 recibiu de mans do presidente Bill Clinton, o premio Eleanor Roosevelt de Dereitos Humanos. No mesmo ano, Ladies' Home Journal recoñeceuna como unha das 100 mulleres máis importantes do século XX.

O 29 de maio de 2012 recibiu do presidente Barack Obama a Medalla Presidencial da Liberdade.[9]

Filmografía

[editar | editar a fonte]

Dolores Huerta é un dos temas do filme de Sylvia Morales, A Crushing Love (2009), continuación de Chicana (1979).[10][11]

Foi representada pola actriz e activista Rosario Dawson no filme César Chávez (2014), de Diego Luna.[12]

A súa traxectoria de loita como líder sindicalista e activista polos dereitos das traballadoras e traballadores rurais chicanos é o tema do documental Dolores, de 2017.[13] 

Notas

[editar | editar a fonte]
  1. ↑ "Biography: Dolores Clara Fernandez Huerta". National Women's History Museum, Education & Resources. Arquivado dende o orixinal o 24 de marzo de 2017. Consultado o 27 de fevereiro de 2012. 
  2. ↑ "Delta College Cultural Awareness Programs Presents: "A Morning with Dolores Huerta"". Delta College. 22 de setembro de 2010. Arquivado dende o orixinal o 22-11-2010. Consultado o 2 de abril de 2012. 
  3. ↑ Frank, M. "Dolores found her calling as an organizer while serving in the leadership of Stockton Community Service Organization (CSO)" "Dolores Huerta: "Sí, se puede—We can do it." File: Dolores Huerta. Archives of Labor and Urban Affairs, Ruether Library, College of Urban, Labor, and Metropolitan Affairs, Wayne State University, Detroit, MI (1987).
  4. ↑ Biography.com. "Dolores Huerta". Arquivado dende o orixinal o 05-08-2011. Consultado o 7 de maio de 2011. 
  5. ↑ Dolores Huerta Foundation (16 de novembro de 2013).
  6. ↑ "DHF History". Dolores Huerta Foundation. Arquivado dende o orixinal o 2012-01-20. Consultado o 23 de xaneiro de 2012. 
  7. ↑ "About the Dolores Huerta Foundation". Dolores Huerta Foundation. Arquivado dende o orixinal o 2012-01-23. Consultado o 23 de xaneiro de 2012. 
  8. ↑ "Dolores Huerta :: Biography". Dolores Huerta Foundation. Consultado o 23 de xaneiro de 2012. 
  9. ↑ "President Obama Names Presidential Medal of Freedom Recipients". The White House. Office of the Press Secretary. 26 de abril de 2012. 
  10. ↑ "Chicana". www.wmm.com (en inglés). Arquivado dende o orixinal o 26 de agosto de 2019. 
  11. ↑ "A Crushing Love Chicanas, Motherhood and Activism Chicanas, Motherhood and Activism". www.wmm.com (en inglés). Arquivado dende o orixinal o 26 de agosto de 2019. 
  12. ↑ Andrea Long Chavez (2012-04-17). "Rosario Dawson Nervous To Play Dolores Huerta". HuffPost (en inglés). Consultado o 2019-08-26. 
  13. ↑ "'Dolores' Comes to U.S. Theaters Beginning Sept. 1". Dolores The Movie (en inglés). Arquivado dende o orixinal o 16 de setembro de 2017. 

Véxase tamén

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Dolores_Huerta&oldid=6886648»