Dores Tembrás
 (2012)  | |
| Biografía | |
|---|---|
| Nacemento | 13 de febreiro de 1979 (45 anos) Bergondiño, España |
| Formación profesional | Filoloxía Hispánica |
| Educación | Universidade da Coruña |
| Actividade | |
| Ocupación | escritora, editora, filóloga |
| Xénero artístico | Poesía |
| Premios | |
    | |
Dores Tembrás Campos, nada en Bergondiño (Bergondo) o 13 de febreiro de 1979, é unha escritora galega.
Traxectoria
[editar | editar a fonte]Licenciada en Filoloxía Hispánica pola Universidade da Coruña en 2001. Doutorouse en 2008 coa tese Arquitectura de un desencuentro, sobre Alejandra Pizarnik, logo de diferentes estadías investigadoras en Suecia, Madrid e Bos Aires. Dende entón non deixou a investigación sobre a literatura hispanoamericana, centrándose na figura desta poeta, impartindo seminarios e participando en numerosos congresos e revistas especializadas. En 2009 publica o seu primeiro poemario, O pouso do fume. Colaborou en revistas como Serta, Revista das Letras coa serie Esquiagrafías, Dorna co micropoemario OPIVM e Caravansari co micropoemario Silabario. En 2013 obtivo o Premio de poesía Concello de Carral coa obra Cronoloxía da urxencia.[1]
Forma parte do equipo da Editorial Apiario xunto con Antía Otero.[2]
En 2022 participou en Rosalía en Camiño. Diálogos literarios multilingües, celebrados en Padrón, Santiago e Pontevedra. Organizados pola Fundación Rosalía de Castro.[3]
Obra
[editar | editar a fonte]Poesía
[editar | editar a fonte]- O pouso do fume, 2009, Espiral Maior.
- Alentos ao vacío, 2010, libro de artista en diálogo coa obra do pintor Manuel Suárez.
- Cronoloxía da urxencia, 2014, Espiral Maior.
- Auga a través, 2016, Apiario.
- Enxertos, 2023, Apiario.
Literatura infanto-xuvenil
[editar | editar a fonte]Obras colectivas
[editar | editar a fonte]- Elas/El (9), 2010, CCOO.
- Pel con pel, 2010, Galaxia.
- Elas/El (10), 2011, CCOO.
- Mulheres entre poesía e luita, 2011, Assembleia de Mulheres do Condado.
- Poetízate, 2011, Xerais.
- Guía viva de ortodoxos y heterodoxos en la poesía contemporánea gallega, 2012, Endymion.
- Novas de poesía. 17 poetas, 2013, Fundación Uxío Novoneyra.
- Poesía Hexágono. Ollada e Experiencia. Proposta e resposta nas aulas, 2014, Apiario.
- De Cantares Hoxe. Os Cantares Gallegos de Rosalía de Castro no século XXI, 2015, Fundación Rosalía de Castro/Radio Galega.
- Os aforismos do riso futurista, 2016, Xerais.
Premios
[editar | editar a fonte]- Premio de poesía Concello de Carral no 2013, por Cronoloxía da urxencia.
- Premio Fervenzas Literarias ao mellor libro de poesía de 2014, por Cronoloxía da urxencia.
Notas
[editar | editar a fonte]- ↑ asociacionescritoras-es. "Dores Tembrás gaña o XVI Premio de Poesía Concello de Carral". Consultado o 2020-02-07.
- ↑ "Quen somos - Apiario". apiario.eu. Consultado o 2019-04-08.
- ↑ "Rosalía en Camiño 2022". Fundación Rosalía de Castro. Consultado o 2022-07-03.
