Dubravka Ugrešić

Dubravka Ugrešić

Biografía
Nacemento	27 de marzo de 1949 Kutina (República Federal Socialista de Iugoslavia)
Morte	17 de marzo de 2023 (73 anos) Ámsterdam, Países Baixos
Educación	Programa Internacional de Escritura Universidade de Zagreb
Actividade
Campo de traballo	Literatura, actividade tradutora e ensaio
Lugar de traballo	Ámsterdam
Ocupación	tradutora, escritora, membro da resistencia, guionista, profesora universitaria, escritora de literatura infantil, escritora de non ficción, novelista, ensaísta
Empregador	Universidade de Zagreb
Premios
(2019)  Manès-Sperber-Preis (en) (2016)  Premio Internacional Neustadt de Literatura (2012)  Jean Améry award (en) (2011)  Ivan Goran Kovačić Award (en) (2010)  Otherwise Award (pt) , premiado polo traballo Baba Yaga Laid an Egg (en) (2000)  Heinrich Mann Prize (en) (1998)  Premio Austríaco de Literatura Europea (1998)  Preis der SWR-Bestenliste (en) (1997)  Verzetsprijs van de Stichting Kunstenaarsverzet (en) (1996)  Prix Européen de l'Essai Charles Veillon (en) (1989)  City of Zagreb Award (en) (1988)  Meša Selimović Prize (en) (1988)  NIN Prize (en) , premiado polo traballo Q28840638 (1988)  Ksaver Šandor Gjalski Award (en)
Descrito pola fonte	Obálky knih, Metzler Autorinnen Lexikon, (p.542–544) >>>:Ugrešić, Dubravka
Sitio web	dubravkaugresic.com

Dubravka Ugrešić, nada en Kutina, Iugoslavia, o 27 de marzo de 1949 e finada en Ámsterdam o 17 de marzo de 2023, foi unha destacada escritora de orixe croata que viviu nos Países Baixos.

Traxectoria

Ugrešić naceu en 1949 en Kutina (Croacia, entón Iugoslavia). Estudou Literatura comparada e Lingua e Literatura rusa na Universidade de Zagreb, compaxinando os seus estudos coa súa actividade como escritora.

A súa novela máis coñecida na antiga Iugoslavia foi Štefica Cvek u raljama života (Estefi nas fauces da vida), unha irónica novela posmodernista que xoga libremente cos clichés e os estereotipos da literatura e a cultura triviais. A novela foi un éxito inmediato e foi levada ao cine en 1984 baixo o título U raljama života, película dirixida por Rajko Grlić. En 1989, Ugrešić uniuse á Asociación para unha Iniciativa Democrática de Iugoslavia, un partido político marxinal que se opuña á independencia de Croacia.

En 1991, co estalido da guerra na antiga Iugoslavia, Ugrešić tomou unha firme postura antibelicista e antinacionalista. Escribiu criticando duramente o nacionalismo (tanto croata como serbio), a estupidez e a criminalidade da guerra; e pronto se converteu en branco dos medios de comunicación nacionalistas croatas, que a catalogaron como "traidora", "inimigo público" e "bruxa".

Por estes motivos, abandonou Croacia en 1993 e continuou escribindo no exilio. A súa escritura foi descrita como accesíbel, intelixente, innovadora e cunha forte carga política e emocional.

Ugrešić viviu en Ámsterdam como escritora independente. De cando en vez daba clases en universidades americanas e europeas, e ocasionalmente escribía para algúns xornais e revistas literarias europeas.

Non ten obra traducida ao galego.

Premios

Recibiu varios premios literarios e o recoñecemento internacional polos seus escritos. Na ex Iugoslavia foi galardoada cos premios NIN, Meša Selimović e K.Š. Gjalski entre outros. Tamén recibiu os seguintes premios internacionais:

• 2016: Premio Internacional Neustadt de Literatura. (Estados Unidos)
• 2006: Short listed for Independent Foreign Fiction Prize. (Reino Unido)
• 2004: Premio Feronia, Citta di Fiano. (Italia)
• 2000: Premio Heinrich Mann, Akademie Der Kunste Berlin. (Alemaña)
• 1999: Premio Austríaco de Literatura Europea. (Austria)
• 1998: SWF-Bestenliste Literaturpreis (Alemaña)
• 1997: Versetsprijs 1997, Stichting Kunstenaarsverzet 1942 – 1945 (Países Baixos)
• 1996: Premio Europeo de Ensaio Charles Veillon (Suíza)