Eichiro Oda

Eichiro Oda
Nome orixinal	(ja) 尾田栄一郎
Biografía
Nacemento	1 de xaneiro de 1975 (49 anos); Kumamoto, Xapón
Educación	Kyushu Tokai University (en)
Actividade
Campo de traballo	Banda deseñada, Manga e Q124846931
Ocupación	Mangaka, guionista, creador de banda deseñada, produtor delegado, ilustrador, caricaturista
Período de actividade	1991 -
Empregador	Shueisha (pt)
Profesores	Masaya Tokuhiro (pt)
Obra
	Obras destacables (1996) One Piece; (1998) Wanted! (en) ;
Premios
	(2010) Premio ao mellor autor vivo de manga do Salón do Manga de Barcelona ;
	Sinatura

Eichiro Oda (尾田栄一郎, Oda Eiichirō), nado o 1 de xaneiro de 1975 na prefectura de Kumamoto no Xapón, é debuxante de manga, coñecido por ser o creador de One Piece, que é a serie manga máis vendida de todos os tempos.

Traxectoria

Cando era neno, Oda inpirouse nos traballos de Akira Toriyama e aspiraba a ser un debuxante de manga. Ademais, o seu interese polos piratas vénlle da célebre serie Vickie, o viquingo.

Ao cumprir dezasete anos, Oda presentou o seu primeiro traballo, Wanted!, e gañou varios premios, incluíndo o segundo posto no concurso Tezuka Award. Isto introduciuno na revista Weekly Shonen Jump, empezando a traballar como asistente de Shinobu Kaitani na serie Suizan Police Gang, para logo estar nas Jungle King Tar-chan e Mizu no Tomodachi Kappaman', de Masaya Tokuhiro, o que lle influenciou bastante no seu estilo artístico.

Con dezanove anos gañou o premio Hop Step Award for New Artists. Nestes tempos, debuxou dúas historias curtas de piratas, chamadas Romance Dawn que foron publicadas entre os anos 1996 e 1997. Romance Dawn presentaba a historia de Monkey. D Ruffy, que se había converter despois no protagonista de One Piece. Esta apareceu no ano 1997 por vez primeira na Weekly Shonen Jump, e axiña acadou sona por todo o Xapón. A súa meirande influencia é Akira Toriyama, creador de Dragon Ball e de O doutor Slump e Arale.

Obras

Wanted! (1992).
Un agasallo de Deus desde o futuro (1993).
Ikki Yakou (1993).
Monstros (1994).
Romance Dawn (1996).
One Piece (desde 1997).
Wanted! (1998, na Colección de Historias Curtas).
Dragon Ball x One Piece: Cross Epoch (2007).
One Piece x Toriko (2011).

Popularidade

No ano 2008, nunha enquisa da empresa Oricon, Oda foi elixido como o quinto debuxante de manga favorito do Xapón, compartindo posto con Yoshichiro Togashi, creador de YuYu Hakusho e Hunter × Hunter.