Eleanor Bron

Eleanor Bron

Biografía
Nacemento	14 de marzo de 1938 (86 anos) Stanmore, Reino Unido (en)
Educación	Newnham College North London Collegiate School (en)
Actividade
Ocupación	actriz de teatro, guionista, actriz, actriz de cinema, escritora
Obra
Obras destacables (1995) A Little Princess
Familia
Parella	Cedric Price (–2003)
Irmáns	Gerry Bron

Eleanor Bron nada en Middlesex o 14 de marzo de 1938 é unha escritora e actriz de televisión, cinema e teatro inglesa.

Traxectoria

É descendente de xudeus da Europa Occidental. O seu pai acurtou o apelido "Brontein" por "Bron" na honra ó fundador da Bron`s Orchestral Service. Estudou no norte de Inglaterra no Collegiate School e no Newnham College, en Cambridge. Estivo casada co arquitecto Cedric Price até o seu falecemento no 2003. Non tiveron fillos. O seu irmán é o produtor Gerry Bron.

Traxectoria cinematográfica

Eleanor Bron comezou a súa carreira no Cambridge Footlights con The Last Laugh. A actriz apareceu no filme Help! cos Beatles no papel de Ahme. Paul McCartney tamén tomou o seu nome para a canción "Eleanor Rigby".

Tamén interpretou a doutora que fixo razoar ó casanova interpretado por Michael Caine en Alfie, a inalcanzábel Margaret Spencer no filme de Peter Cook e Dudley Moore Bedazzled, Hermione Roddice en Mulleres namoradas de Ken Russell, e Lydia Reynols no drama A Touch of Love.

Aparece no filme Two for the Road xunto a Albert Finney, Audrey Hepburn e William Daniels. Máis recentemente colaborou nas adaptacións cinematográficas de A princesiña, The House of Mirth, Black Beauty e Wimbledon.

Bron é citada acotío como unha inspiración para a canción dos Beatles “Eleanor Rigby”. É nomeada na canción “Yo la Tengo” de Tom Courtenay, na estrofa: “dreaming 'bout Eleanor Bron, in my room with the curtains drawn...".

Obra

É autora de varios libros, entre os que destacan Life and other Punctures, unha historia sobre a volta ciclista en Francia e Países Baixos sobre unha bicicleta, e The Pillow Book of Eleanor Bron.

Filmografía

• Help! (1965)
• Cucumber Castle (1970)
• The National Health (1973)
• A princesiña (1995)