Encarnación Fraga Padín
| Biografía | |
|---|---|
| Nacemento | 1908  Cambados, España |
| Morte | 2000 (91/92 anos) |
| Educación | Universidade de Santiago de Compostela |
| Actividade | |
| Ocupación | farmacéutica, química |
Encarnación Fraga Padín, nada en Cambados o 11 de febreiro de 1908 e finada en 2000,[1] foi unha química e farmacéutica galega.
Traxectoria
[editar | editar a fonte]Realizou estudos superiores na Facultade de Química da Universidade de Santiago de Compostela entre 1925 e 1930. Foi discípula de Isidro Parga Pondal, xunto a Amparo Arango Fernández e Dolores Lorenzo Salgado.[2]
Dende abril de 1931 foi membro da Sociedad Española de Física y Química (SEFQ) e publicou nos Anales desta sociedade, xunto a Isidro Parga Pondal, o estudo “Quimismo de la pegmatita litinífera de Goyás (Lalín)”, realizado no Laboratorio de Xeoquímica do Instituto de Estudios Regionales da Universidade de Santiago.[1]
Posteriormente, estudou a carreira de Farmacia e estivo á fronte dunha botica en Cambados, aínda que tamén exerceu como docente.[3]
Tamén tivo vinculación co Seminario de Estudos Galegos en calidade de socia protectora.[4]
Notas
[editar | editar a fonte]- ↑ 1,0 1,1 Pintos (2016)
- ↑ Docanto, Francisco J. Leonardo (2013). "Los colaboradores del geoquímico gallego Isidro Parga Pondal". Tierra y tecnología: revista de información geológica (43): 1. ISSN 1131-5016.
- ↑ "Doña Choncha, unha adiantada da súa época". A ti meu Cambados. 4 de setembro de 2013. Consultado o 2020-12-31.
- ↑ "Mulleres Socias Activas e Socias Proctectoras no SEG – Almanaque das Irmandades". Consultado o 2020-12-31.
Véxase tamén
[editar | editar a fonte]Bibliografía
[editar | editar a fonte]- Pintos, Xoana (2016): "As mulleres nos estudos experimentais na Universidade de Santiago: 1910-1960". Tese de doutoramento. Universidade de Santiago de Compostela.
- Marco, Aurora (2020). Irmandiñas. Laiovento. p. 228. ISBN 978-84-8487-466-9.
- Pintos Barral, Xoana (2021). Tiven a chave, a bicicleta e os catro libros. Editorial Galaxia.