Estación de Ponferrada

Ponferrada
Situación	Ponferrada
Liñas
Longa Distancia	Alvia, Intercity, Trenhotel
Media distancia	Intercity, Rexional Exprés

Ponferrada é unha estación de tren de Adif situada na cidade de Ponferrada, na provincia de León. Ten servizos de longa e media distancia operados por Renfe.

Situación ferroviaria

A estación atópase no punto quilométrico 251 da liña férrea de ancho ibérico que une León e A Coruña, a 512 metros de altitude, entre as estacións de Posada del Bierzo e de San Miguel de las Dueñas. O tramo é de vía única e está electrificado.

Nas proximidades da estación ponferradina, entre os barrios de Flores del Sil e Cuatrovientos, sitúase unha terminal de mercadorías ferroviarias xestionada por Adif.

Historia

A estación foi aberta ao tráfico o 4 de febreiro de 1882 coa posta en marcha do tramo Ponferrada-Brañuelas da liña que pretendía unir Palencia e A Coruña. Os case catorce anos que separan a apertura deste tramo do anterior entre Brañuelas e Astorga deixan patente as dificultades atopadas para dar cun trazado cuxo desnivel fora asumible polas locomotoras da época. As obras correron a cargo da Compañía dos Ferrocarrís de Asturias, Galicia e León ou AGL creada para continuar cos proxectos iniciados pola Compañía do Ferrocarril do Noroeste de España e xestionar as súas liñas. En 1885, a mala situación financeira de AGL tivo como consecuencia a súa absorción por parte de Norte. En 1941, a nacionalización do ferrocarril en España supuxo a desaparición desta última e a súa integración na reción creada Renfe.

A estación de Ponferrada supoñía o punto de ligazón entre o ferrocarril de Ponferrada a Villablino e a rede de Renfe para o intercambio do carbón procedente da conca mineira do Sil aos vagóns de vía ancha e desta maneira levalo ao resto de España. Grazas a isto, a estación e a súa contorna creceron moito. Nos anos 80, debido á crise e decadencia do carbón na zona, clausurouse o tren a Villablino entre Ponferrada e Cubillos del Sil co que a estación perdeu gran parte da súa actividade.

Desde o 31 de decembro de 2004 Renfe Operadora explota a liña mentres que Adif é a titular das instalacións ferroviarias.

A estación

A estación conta cun total de seis vías pasantes e dúas plataformas, así como varios feixes de vías mortas para o apartado de material de mantemento.

Servizos ferroviarios

Longa distancia

Actualizado a 18 de xuño de 2016.

Media distancia

Actualizado a 18 de xuño de 2016.

Liñas	Trens	Orixe/Destino	<>	Destino/Orixe
	Intercity	Madrid-Chamartín	<>	Vigo-Guixar
6	Rexional Exprés	León terminal	<>	Vigo-Guixar

Véxase tamén

Ligazóns externas

• Información na web de Adif (en castelán)