Estadio Francisco Artés Carrasco
| Estadio Francisco Artés Carrasco | |
|---|---|
 Fondo norte do estadio durante un partido | |
| Datos | |
| Coordenadas | 37°38′20″N 1°44′06″O / 37.638817, -1.735122Coordenadas: 37°38′20″N 1°44′06″O / 37.638817, -1.735122 |
| Localización | Lorca (Murcia) España  |
| Construción | |
| Inauguración | 6 de marzo de 2003 |
| Arquitecto | Cristino Guerra |
| Custo | 3 500 000 € |
| Estadio | |
| Superficie | Céspede |
| Dimensións | 105x70 |
| Capacidade | 8.120 |
| Propietario | Concello de Lorca |
| Localía | Lorca Deportiva CF (2003-2010) Lorca Atlético (2010-) La Hoya Lorca CF (2011-) |
| Eventos | |
| España-Suíza (sub-21) | |
| [ editar datos en Wikidata ] | |
O Estadio Francisco Artés Carrasco é un estadio de fútbol español da cidade murciana de Lorca, e serve como localía ao Lorca Atlético e ao La Hoya Lorca CF. Ata 2010 foi o estadio do Lorca Deportiva CF. Leva o nome do segundo presidente do Padroado do Campo de San José de Lorca, tras Juan Martínez García.
Historia[editar | editar a fonte]
Xestación do proxecto[editar | editar a fonte]
O día 2 de outubro de 2001 colócase a primeira pedra do complexo deportivo na Torrecilla. Eusebio Abellán declara: "Lorca contará cun estadio digno. Imos ter máis estadio que equipo de fútbol." A empresa que construirá o estadio será Construcciones Giner e o custo roldará os 600 millóns de pesetas.
O xoves 29 de novembro de 2001 colocouse a primeira pedra do novo estadio nun acto ao que asistiron entre outros Cristino Guerra, o arquitecto responsable do proxecto, e o alcalde Miguel Navarro. En novembro de 2002, coas obras xa moi avanzadas, recíbese a visita de Ángel María Villar, presidente da RFEF. Inténtase que o novo estadio acolla un partido da Selección absoluta, pero ao estar esta comprometida ata 2004 acórdase que sexa un partido da Sub-21.
Actos de inauguración[editar | editar a fonte]
En febreiro de 2003 anúnciase que a inauguración do novo estadio será o 5 de marzo contra o FC Barcelona. O contrato asegúralle ao Barça uns ingresos de 282.475€, gastos de desprazamento e hospedaxe á parte, sendo o orzamento xeral de gastos uns 312.500€.
O 1 de marzo os fillos de Francisco Artés Carrasco descobren unha placa no vestíbulo do estadio que reza "A Cidade de Lorca rende homenaxe e recupera a figura do ilustre lorquino Francisco Artés Carasco, cuxo nome perpetúa para a historia este estadio." Está presente no acto José Luis Morga, presidente da FFRM, e o párroco Roberto B. Jiménez Martínez, quen bendí o estadio igual que fixo en 1951 co Municipal de San José.
Tras unha pequena polémica pola ausencia dalgunhas estrelas do FC Barcelona chega o esperado 5 de marzo. Ante uns 7.000 espectadores o Barcelona derrota ao Lorca Deportiva por 1 gol a 4.[1] Dirixe o partido o colexiado lorquino Gregorio Bernabé García. Nos prolegómenos do partido Amador Bernabéu e Miguel Navarro descubriron unha placa conmemorativa.
O 13 de marzo xógase o segundo partido con motivo da inauguración do campo. Ante apenas 400 espectadores o Lorca Deportiva cae ante o Almería por 1 a 6. Antes do partido descubriuse unha placa no campo anexo co nome de Juan Martínez Casuco, lorquino e adestrador do Almería.
O 19 de marzo xógase o primeiro partido oficial no Francisco Artés Carrasco. Adiántase a xornada 32 a este día para que o primeiro encontro no novo estadio sexa contra o eterno rival, o Águilas CF. O primeiro gol oficial márcao Ipintza no minuto 46 e empatou o Águilas cun gol de penalti de Julián no 93. 4000 espectadores viron o encontro de liga.
O 1 de abril foi o Atlético de Madrid quen visitou o Lorca co lorquino Lázaro Albarracín, vicepresidente do equipo colchoneiro. Ante uns 4000 espectadores o Lorca caeu derrotado por 1-3.
O último dos encontros organizados foi un partido entre as seleccións Sub-21 de España e Australia. O partido terminou cun 1-0 favorable a España. 5000 persoas asistiron ao encontro.
Notas[editar | editar a fonte]
- ↑ www.terra.com (2003). "1-4. O Barcelona vence sen dificultades a equipo de terceira". Consultado o 5 de marzo.
